Page Text
________________
तच्चा चउव्विहपडिवत्ती
पदे जाव' विहरति ॥
२५२. कहि णं भंते! पिसायाणं देवाणं भोमेज्जा णगरा पण्णत्ता ? जहा ठाणपदे जाव विहरंति, कालमहाकाला य तत्थ दुवे पिसायकुमाररायाणो परिवसंति जाव' विहरति ॥
२५३. कहि णं भंते ! दाहिणिल्लाणं पिसायकुमाराणं जाव विहरंति, काले य एत्थ पिसायकुमारिंदे पिसायकुमारराया परिवसति महिड्ढि जाव' विहरति ।।
२५४. कालस्स णं भंते ! पिसायकुमारिदस्स पिसायकुमाररण्णो कति परिसाओ पण्णत्ताओ ? गोयमा ! तिण्णि परिसाओ पण्णत्ताओ, तं जहा-ईसा तुडिया दढरहा । अभितरिया ईसा, मज्झिमिया तुडिया, बाहिरिया दढरहा ||
२५५. कालस्स णं भंते ! पिसायकुमारिदस्स पिसायकुमाररण्णो अब्भितरपरिसाए कति देवसाहस्सीओ पण्णत्ताओ जाव बाहिरियाए परिसाए कति देविसया पण्णत्ता ? गोमा ! कालस्स णं पिसायकुमारिदस्स पिसायकुमाररण्णो अभितरियाए परिसाए अट्ट देवसाहस्सीओ पण्णत्ताओ, मज्झिमियाए परिसाए दस देवसाहस्सीओ पण्णत्ताओ, बाहिरिया परिसाए बारस देवसाहस्सीओ पण्णत्ताओ, अब्भितरियाए परिसाए एवं देविसतं पण्णत्तं, ' एवं तिसुवि" ॥
२५६. कालस्स णं भंते! पिसायकुमाररिदस्स पिसायकुमाररण्णो अब्भितरियाए परिसाए देवाणं वतियं कालं ठिती पण्णत्ता ? मज्झिमियाए परिसाए देवाणं केवतिय कालं ठिती पण्णत्ता ? बाहिरियाए परिसाए देवाणं केवतियं कालं ठिती पण्णत्ता जाव बाहिरिया परिसाए देवीणं केवतियं कालं ठिती पण्णत्ता ? गोयमा ! कालस्स णं पिसायकुमारिदस्स पिसायकुमाररण्णो अभितरियाए परिसाए देवाणं अपओिवमं ठती पणत्ता, मज्झमिया परिसाए देवाणं देणं अद्धपलिओवमं ठिती पण्णत्ता, बाहिरियाए परिसाए देवाणं सातिरेगं चउब्भागपलिओवमं ठिती पण्णत्ता, अब्भंतरियाए परिसाए देवीणं सातिरेगं चउब्भागपलिओवमं ठिती पण्णत्ता, मज्झिमियाए परिसाए देवीणं चउब्भागपलिओवमं ठिती पण्णत्ता, बाहिरियाए परिसाए देवीणं देसूणं चउब्भागपलिओ मं ठिती पण्णत्ता, 'अट्ठो जो चेव चमरस्स । एवं उत्तरिल्लस्सवि, एवं णिरंतरं जाव' गीयजसस्स ॥
२५७. कहि णं भंते! जोतिसियाणं देवाणं विमाणा पण्णत्ता ? कहि णं भंते ! जोतिसिया देवा परिवसंति ? गोयमा ! उप्पिं दीवसमुद्दाणं इमीसे रयणप्पभाए पुढवीए बहुसमरमणिज्जाओ भूमिभागाओ सत्तणउए जोयणसते उड्ढं उप्पतित्ता दसुत्तरजोयणसय
१. पण्ण० २।४१ ।
२. पण ० २।४२ ।
३. पण्ण० २।४३ ।
३०५
४. कुमार रायस्स (ट) ।
५. मज्भिमिया परिसाए एवं देविसतं पण्णत्तं
Jain Education International
बाहिरियाए परिसाए एवं देविसतं पण्णत्तं (क, ख, ग, ट, त्रि) ।
६. पण्ण. २/४५।
७. एवं सोलसहवि वंरिदाणं (ता) |
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |