Page Text
________________
तच्चा चउव्विहपडिवत्ती
३०३
असुरकुमाररण्णो तओ परिसाओ पण्णत्ताओ-समिया चंडा जाया । अब्भितरिया समिया, मज्झिमिया चंडा, बाहिरिया जाया ।।
२४०. कहि णं भंते ! उत्तरिल्लाणं असुरकुमाराणं भवणा पण्णत्ता ? जहा ठाण जा बली, एत्थ वइरोयणिदे वइरोयणराया परिवसति जाव' विहरति ॥
२४१. बलिस णं भंते ! वइरोयणिदस्स वइरोयणरण्णो कति परिसाओ पण्णताओ ? गोयमा ! तिण्णि परिसाओ पण्णत्ताओ, तं जहा-समिया चंडा जाया । अब्भितरिया समिया, मज्झमिया चंडा, बाहिरिया जाया ।।
२४२. बलिस्स णं भंते ! वइरोयणिदस्स वइरोयणरण्णो अभितरियाए परिसाए कति देव सहस्सा पण्णत्ता ? मज्झिमियाए परिसाए कति देवसहस्सा पण्णत्ता जाव बाहिरियाए परिसाए कति देविसया पण्णत्ता ? गोयमा ! बलिस्स णं वइरोयणिदस्स वइरोयणरण्णो अभितरियाए परिसाए वीसं देवसहस्सा पण्णत्ता, मज्झिमियाए परिसाए चउवीसं देवसहस्सा पण्णत्ता, बाहिरियाए परिसाए अट्ठावीसं देवसहस्सा पण्णत्ता, अब्भितरियाए परिसाए अद्धपंचमा देविसया पण्णत्ता, मज्झिमियाए परिसाए चत्तारि देविसया पण्णत्ता, बाहिरिया परिसाए अद्धट्ठा देविसया पण्णत्ता |
२४३. वलिस् ठितीए पुच्छा जाव बाहिरियाए परिसाए देवीणं केवतियं कालं ठिती पण्णत्ता ? गोयमा ! बलिस्स णं वइरोर्याणिदस्स वइरोयणरण्णो अभितरियाए परिसाए देवाण अद्भुट्ठ पलिओवमा ठिती पण्णत्ता, मज्झिमियाए परिसाए तिण्णि पलिओवमाई ठिती पण्णत्ता, बाहिरियाए परिसाए देवाणं अड्ढाइज्जाई पलिओ माई ठिती पण्णत्ता, अब्भितरियाए परिसाए देवीणं अड्ढाइज्जाई पलिओवमाइं ठिती पण्णत्ता, मज्झिमियाए परिसाए देवीणं दो पलिओ माई ठिती पण्णत्ता, बाहिरियाए परिसाए देवीणं दिवड्ढं पलिओ मं ठिती पण्णत्ता । सेसं जहा चमरस्स असुरिदस्स असुरकुमाररण्णो ॥
२४४. कहि णं भंते! नागकुमाराणं देवाणं भवणा पण्णत्ता ? जहा ठाणपदे जाव दाहिणिल्लावि पुच्छियव्वा जाव धरणे, इत्थ नागकुमारिदे नागकुमारराया परिवसति जाव' विहरति ॥
२४५. धरणस्स णं भंते! नागकुमारिदस्स नागकुमाररण्णो कति परिसाओ पण्णताओ ? गोयमा ! तिष्णि परिसाओ, ताओ चैव जहा चमरस्स ||
२४६. धरणस्स णं भंते ! नागकुमारिदस्स नागकुमाररण्णो अभितरियाए परिसाए कति देवसहस्सा पण्णत्ता जाव बाहिरियाए परिसाए कति देवीसया पण्णत्ता ? गोयमा ! धरणस्स णं नागकुमारिदस्स नागकुमाररण्णो अब्भतरियाए परिसाए सट्ठि देव सहस्साई, मज्झिमया परिसाए सर्त्तारं देवसहस्साई, बाहिरिया ए असीतिदेवसहस्साई, अभितरियाए परिसाए पण्णत्तरं देविसतं पण्णत्तं, मज्झिभियाए परिसाए पण्णासं देविसतं पण्णत्तं, बाहिरिया परिसाए पणवीसं देविसतं पण्णत्तं ॥
२४७. धरणस्स णं नागकुमारिदस्स नागकुमार रण्णो अब्भितरियाए परिसाए देवाणं वतियं कालं ठिती पण्णत्ता? मज्झिमियाए परिसाए देवाणं केवतियं कालं ठिती पण्णत्ता ?
१. पण्ण० २।३३ ।
२. पष्ण० २१३४, ३५ ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |