Page Text
________________
૨૯૨
जीवाजीवाभिगमे
वीससापरिणताए भूसणविहीए उववेया कुसविकुस जाव चिट्ठति ।। एगोरुयदीवे तत्थ ५ बहवे गेहागारा णाम दुमगणा पण्णत्ता समणाउसो ! जहा से पागारट्टालगचरियदारगोपुरपासायाकासतलमंडवएगसालगविसालगतिसालगचउसालगगभघरमोहणघरवलभिघरचित्तसालगमालियभत्तिघरवट्टतंसचउरंसणंदियावत्तसंठियायतपंडुरतलमुंडमालहम्मियं अहव णं धवलहरअद्धमागहविब्भमसेलद्धसेलसंठियकूडागारेड्ढसुविहिकोट्ठगअणेगघरसरणलेणआवणविडंगजालवंदणिजजूहअपवरककवोतालिचंदसालियरूवविभत्तिकलिता भवणविही बहुविकप्पा तहेव ते गेहागारावि दुमगणा अणेगबहुविविधवीससापरिणयाए सुहारहाणा सुहोत्ताराए सुहनिक्खमणप्पवेसाए दद्दरसोपाणपंतिकलिताए पइरिक्काए सुहविहाराए मणाणुकूलाए भवणविहीए उववेया कुसविकुसावे जाव चिट्ठति । एगोरुयदीवे तत्थ ५ बहवे अणिगणा णामं दुमगणा पण्णत्ता समणाउसो! जहा से आइणगखोमतणयकंबलदुगुल्लकोसेज्जकालमिगपट्टचीणंसुयवतत्तावरणातवारवाणगपच्छन्नाभरणचित्तसहिणगकल्लाणगभिंगमेहलकज्जलबहुवण्णरत्तपीतसुक्किलमक्खयमितलोमहप्फरल्लगअवस्तरा सिंधुउसभदामिलवंगकलिंगनलिणतंतुमयभत्तिचित्ता वत्थविही बहुप्पकारा हवेज्ज वरपट्टणुग्गता वण्णरागकलिता तहेव ते अणिगणावि दुमगणा अणेगबहुविविहवीससापरिणताए उववेया कुसविकुस जाव चिठ्ठति । एगोरुयदीवे णं भंते ! दीवे मणुयाणं केरिसए आगारभावपडोयारे पण्णत्ते ? गोयमा ! ते णं मणया अणुवमतरसोमचारुरूवा भोगुत्तमा भोगलक्खणधरा भोगसस्सिरीया सुजायसव्वंगसुंदरंगा सुपइट्टियकुम्मचारचलणा रत्तुप्पलपत्तमउयसुकुमालकोमलतला नगणगरमगरचवककहरंक लक्खणंकियचलणा अणुपुव्वसुहायंगुलिया उण्णयतणुतंबणिद्ध णक्खा संठियसुसलिट्ठगूढगुप्फा एणीकुरुविंदावत्तवट्टाणपुव्वजंघा सामुग्गणिमग्गगूढजाणू गतससणसुजातसण्णिभोरू वरवारणमत्ततुल्लविक्कमविलासित गति सुजातवरतुरगगुज्झदेसा आइण्णहतोव्व णिरुवलेवा पमुइयवरतुरगसीहअइरेगवट्टियकडी सोहयसोणिदमूसलदप्पणणिगरितवरकणगच्छरुसरिसवरवइरवलितमज्भा उज्जुयसमसंहितसुजातजच्चतणकसिणणि
आदेज्जलडहसकमालमउयरमणिज्जरोमराईगंगावत्तयपयाहिणावत्ततरंगभंगुररविकिरणतरुणबोधियआकोसायंतपउमगंभीरविगडणाभा झसविहगसुजातपीणकुच्छी झसोदरा सुइकरणा पम्हवियडणाभा सण्णयपासा संगतपासा सुंदरपासा सुजातपासा मितमाइयपीणरइयपासा अकरुंड्यकणगरुयगनिम्मलसुजातनिरुवयदेहधारी पसत्थबत्तीसलक्खणधरा कणगसिलातलुज्जलपसत्थसमतलउवचियविच्छिण्णपिहलवच्छा सिरिवच्छंकियवच्छा पुरवरफलिहवट्टियभुया भुयगीसरविपुलभोगआयाणफलिहउच्छूढदीहबाहू जुगसन्निभपीणरतियपीवरपउट्ठसंठियउववियघणथिरसुबद्धसुसलिट्ठपव्वसंधी रत्ततलोवइतमउयमंसलपसत्थलक्खणसुजायअच्छिद्दजालपाणी पीवरवट्टियसुजायकोमलवरंगुलीया तंबतलिणसुतिरुइरणिद्धणक्खा चंदपाणिलेहा सूरपाणिलेहा संखपाणिलेहा चक्कपाणिलेहा दिसासोवत्थियपाणिलेहा चंदसूरसंखचक्कदिसासोवत्थियपाणिलेहा अणेगवरलक्खणुत्तमपसत्थसुविरइयपाणिलेहा वरमहिसवराहसीहसद्द लउसभणागवरविउलउन्नतमइंदखंधा चउरंगुलसुप्पमाणकंबुसरिसगीवा अवट्ठितसुविभत्तसजातचित्तमंसू मंसलसंठियपसत्थसदूलविपुलहणुया ओतवितसिलप्पवालबिबफलसन्निभाहरोट्ठा पंडरससिसगलविमलनिम्मलसंखदधिधणगोखीरफेणदगरयमुणालियाधवलदंतसेढी अखंडदंता अफुडियदंता अविरलदंता सुसिणिद्धदंता सुजातदंता एगदंतसे ढिव्व अणेगदंता हुतवहनिद्धतधोततत्ततवणिज्जरत्ततलतालुजीहा गरुलायतउज्जुतुंगणासा अवदालियपोंडरीकणयणा कोकासितधवलपत्तलच्छा
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |