Page Text
________________
जीवाजीवाभिगमे
२१०. अण्णउत्थिया णं भंते ! एवमाइक्खंति एवं भासेंति एवं पण्णवेंति एवं परूवेंति - एवं खलु एगे जीवे एगेणं समएणं दो किरियाओ' पकरेति, तं जहा - सम्मत्तकिरियं च मिच्छत्तकिरियं च ।
२८८
जं समयं सम्मत्तकिरियं पकरेति, तं समयं मिच्छत्तकिरियं पकरेति । जं समयं मिच्छत्तकिरियं पकरेति, तं समयं सम्मत्तकिरियं पकरेति । सम्मत्तकिरियापकरणताए मिच्छत्तकिरियं पकरेति । मिच्छत्तकिरियापक रणताए सम्मत्तकिरियं पकरेति ।
एवं खलु एगे जीवे एगेणं समएणं दो किरियाओ पकरेति, तं जहा - सम्मत्तकिरियं च मिच्छत्तकिरियं च ॥
२११. से हमे भंते ! एवं ? गोयमा ! जण्णं ते अण्णउत्थिया एवमाइक्खति एवं भासेति एवं पण्णवेंति एवं परूवेंति - एवं खलु एगे जीवे एगेणं समएणं दो किरियाओ पकरेति तहेव जाव सम्मत्तकिरियं च मिच्छत्तकिरियं च ।
जेते एवमाहंसु, तं णं मिच्छा । अहं पुण गोयमा ! एवमाइक्खामि जाव परूवेमिएवं खलु एगे जीवे एगेणं समएणं एवं किरियं पकरेति तं जहा - सम्मत्तकिरियं वा मिच्छत्तकिरियं वा ।
जं समयं सम्मत्तकिरियं पकरेति णो तं समयं मिच्छत्तकिरियं पकरेति ।
जं समयं मिच्छत्त करियं पकरेति, नो तं समयं सम्मत्तकिरियं पकरेति ।
सम्मत्तकिरियापक रणयाए नो मिच्छत्तकिरियं पकरेति ।
मिच्छत्त किरियापक रणयाए णो सम्मत्त किरियं पकरेति ।
एवं खलु एगे जीवे एगेणं समएणं एवं किरियं पकरेति तं जहा -- सम्मत्तकिरियं वा मिच्छत्तकिरियं वा ॥
मस्साधिगारो
२१२. से कि तं मणुस्सा ? मणुस्सा दुविहा पण्णत्ता, तं जहा - संमुच्छिममणुस्सा य भवतियमणुस्सा य ॥
२१३. से किं तं संमुच्छिममणुस्सा ? संमुच्छिममणुस्सा एगागारा पण्णत्ता ॥ २१४. कहि णं भंते ! संमुच्छिममणुस्सा संमुच्छंति ? गोयमा ! अंतोमणुस्सखेत्ते जहा पण्णवणाए जाव' अंतोमुहुत्तद्धारया चेव कालं पकरेंति । सेत्तं संमुच्छिममणुस्सा ॥
२१५. से किं तं गभवक्कंतियमणुस्सा ? गब्भवक्कंतियमणुस्सा तिविधा पण्णत्ता, तं जहा - कम्मभूमगा अकम्मभूमगा अंतरदीवगा ॥
२१६. से किं तं अंतरदीवगा ? अंतरदीवगा अट्ठावीसतिविधा पण्णत्ता, तं जहा
१. कित्तियाओ (ता) ।
२. कहमेतं ( ख ) ; कधमेतं ( ता ) ।
३. तं चैव सव्वं उच्चारेयव्वं (ता) । ४. अस्यां तृतीयप्रतिपत्ती
Jain Education International
तिर्यग्योन्यधिकारे
द्वितीयदेशकः समाप्तः ( मवृ ) |
५. पण्ण० १।८४ । द्रष्टव्यं अस्यैव सूत्रस्य प्रथम
प्रतिपत्तेः १२७ सूत्रम् ।
६. अट्ठावीसविहा ( क ट ) |
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |