Page Text
________________
तच्चा चउव्हिडिवत्ती
अडयालीसुत्तरं जोयणसतसहस्सं । सेसं जधा रयणाए ॥
६६. चउत्थीए हेट्ठिल्लातो उवरिल्ले वीसुत्तरं जोयणसतसहस्सं अबाधाए अंतरे पण्णत्ते । घणोदधिस्स उवरिल्ले एवं चेव, हेट्ठिल्ले चत्तालीसुत्तरं जोयणसतसहस्सं । से जहा रयणा ||
७०. पंचमाए उवरिल्लातो हेट्ठिल्ले अट्ठारसुत्तरं जोयणसतसहस्सं अबाधाए अंतरे पण्णत्ते । घणोदधिस्सुवरिल्ले एवं चेव, हेट्ठिमे अट्टतीसुत्तरं जोयणसतसहस्सं । सेसं जधा
रयणाए ||
७१. छट्टीए उवरिमातो हेट्टिमं सोलसुत्तरं जोयणसतसहस्सं अबाधाएं अंतरे पण्णत्ते । दधि उवरिमं एवं चेव, हेट्ठिल्ले छत्तीसुत्तरं जोयणसतसहस्सं । सेसं जहा रयणाए ।
७२. सत्तमा हेट्ठिल्लातो उवरिल्ले अट्ठत्तरं जोयणसतसहस्सं अबाधाए अंतरे पण्णत्ते । घणोदधिस्स उवरिमं एवं चेव, हेट्ठिमं अट्ठावीसुत्तरं जोयणसतसहस्सं । सेसं जहा
२६५
रयणाए ||
७३. इमा णं भंते ! रयणप्पभा पुढवी दोच्चं पुढवि पणिहाय बाहल्लेणं किं तुल्ला ? विसेसाहिया ? संखेज्जगुणा ? वित्थारेण किं तुल्ला ? विसेसहीणा ? संखेज्जगुणहीणा ? गोमा ! इमाणं रयणप्पभा पुढवी दोच्चं पुढवि पणिहाय बाहल्लेणं नो तुल्ला, विसेसाहिया, नो संखेज्जगुणा | वित्थारेण नो तुल्ला, विसेसहीणा, नो संखेज्जगुणहीणा ॥
७४. दोच्चाणं भंते ! पुढवी तच्चं पुढव पणिहाय बाहल्लेणं किं तुल्ला ? एवं चेव भाणितव्वं । एवं तच्चा चउत्थी पंचमी छट्ठी ॥
७५. छट्ठी णं भंते ! पुढवी सत्तमं पुढव पणिहाय बाहल्लेणं किं तुल्ला ? विसेसा - हिया ? संखेज्जगुणा ? एवं चैव भाणियव्वं । सेवं भंते ! सेवं भंते ! ॥
नेरइयउद्देसओ बीभो
७६. कइ णं भंते ! पुढवीओ पण्णत्ताओ ? गोयमा ! सत्त पुढवीओ पण्णत्ताओ, तं जहा - रयणप्पभा जाव असत्तमा ॥
७७. इमीसे णं भंते ! रयणप्पभाए पुढवीए असीउत्तरजोयणसयस हस्सबाहल्लाए उर्वार hari गाहिता केवइयं वज्जित्ता मज्झे केवतिए केवतिया निरयावासस्यसहस्सा पण्णत्ता ? गोयमा ! इमीसे णं रयणप्पभाए पुढवीए असीउत्तरजोयणसय सहस्सबाहल्लाए
वर एवं जोयणसहस्सं ओगाहित्ता हेट्ठावि एगं जोयणसहस्सं वज्जित्ता मज्झे अडहत्तरे' जोयणसयसहस्से, एत्थ णं रयणप्पभाए पुढवीए ने रइयाणं तीसं निरयावाससयसहस्साई भवतित्तिमखाया । ते णं णरगा अंतो वट्टा बाहिं चउरंसा जाव असुभा णरएसु वेयणा, एवं एए अभिलावेण उवजुंजिऊण भाणियव्वं ठाणप्पयाणुसारेणं । जत्थ जं बाहल्लं जत्थ जत्तिया वा नरयावाससयसहस्सा जाव अहेसत्तमाए पुढवीए । अहसत्तमाए मज्झिमं केवतिए कति अणुत्तरा महइमहालया महाणिरया पण्णत्ता एवं पुच्छितव्वं वागरेयव्वंपि तहेव । छट्ठी१. वित्थरेणं ( ता ) ।।
२. अडसत्तरी ( ग ) ; अट्ठत्तरे (ता) । ३. णरयावासं सतसहस्सा (ता) |
Jain Education International
४. पण्ण० २।२१-२७ ।
५. उववज्जिऊण
( ख, ग ) ।
For Private & Personal Use Only
(क, ट ) ;
उवउंजिऊण
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |