Page Text
________________
२६२
जीवाजीवाभिगमे
घणोदधिवलयं सव्वतो समंता संपरिक्खिवित्ताणं चिट्ठइ। एवं जाव अहेसत्तमाए घणवातवलए ।
५०. इमीसे णं भंते ! रयणप्पभाए पुढवीए तणुवातवलए किसंठिते पण्णत्ते ? गोयमा ! वट्टे वलयागारसंठाणसंठिए पण्णत्ते, जे णं इमीसे रयणप्पभाए पुढवीए घणवातवलयं सव्वतो समंता संपरिविखवित्ताणं चिट्ठइ। एवं जाव अधेसत्तमाए तणुवातवलए।
५१. इमा णं भंते ! रयणप्पभा पुढवी केवतियं आयाम-विक्खंभेणं ? 'केवतियं परिक्खेवेणं पण्णत्ता" ? गोयमा ! असंबेज्जाइं जोयणसहस्साई आयाम-विक्खंभेणं, असंखेज्जाइं जोयणसहस्साइं परिक्खेवेणं पण्णत्ते । एवं जाव अधेसत्तमा ।।
५२. इमा णं भंते ! रयणप्पभा पुढवी अंते य मज्झे य सव्वत्थ समा बाहल्लेणं पण्णत्ता ? हंता गोयमा ! इमा णं रयणप्पभा पुढवी अंते य मज्झे य सम्वत्थ समा बाहल्लेणं । एवं जाव अधेसत्तमा ।।
५३. इमीसे णं भंते ! रयणप्पभाए पुढवीए सव्वजीवा उववण्णपुव्वा ? सव्वजीवा उववण्णा ? गोयमा ! इमीसे णं रयणप्पभाए पुढवीए सव्वजीवा उववण्णपुव्वा, नो चेव णं सव्वजीवा उववण्णा । ‘एवं जाव अहेसत्तमाए ।
५४. इमा णं भंते ! रयणप्पभा पुढवी सव्वजीवेहि विजढपुव्वा ? सव्वजीवेहि विजढा ? गोयमा ! इमा णं रयणप्पभा पुढवी सव्वजीवेहिं विजढपुव्वा, नो चेव णं सव्वजीवविजढा। एवं जाव अधेसत्तमा ॥
५५. इमीसे णं भंते ! रयणप्पभाए पुढवीए सव्वपोग्गला पविठ्ठपुव्वा ? सव्वपोग्गला पविट्ठा ? गोयमा ! इमीसे णं रयणप्पभाए पुढवीए सव्वपोग्गला पविट्ठपुव्वा, नो चेव णं सव्वपोग्गला पविट्ठा । एवं जाव अधेसत्तमाए ।
५६. इमा णं भंते ! रयणप्पभा पुढवी सव्वपोग्गलेहिं विजढपुव्वा ? सव्वपोग्गला विजढा ? गोयमा ! इमा णं रयणप्पभा पुढवी सव्वपोग्गलेहिं विजढपुव्वा, नो चेव णं सव्वपोग्गलेहिं विजढा । एवं जाव अधेसत्तमा ।
५७. इमा णं भंते ! रयणप्पभा पुढवी किं सासता ? असासता ? गोयमा ! सिय सासता, सिय असासता ॥
५८. से केणठेणं भंते ! एवं बुच्चइ-सिय सासता सिय असासता ? गोयमा ! दव्वट्ठयाए सासता, वण्णपज्जवेहिं गंधपज्जवेहिं रसपज्जवेहि फासपज्जवेहिं असासता। से तेणठेणं गोयमा ! एवं वुच्चति-'सिय सासता", सिय असासता। एवं जाव अधेसत्तमा ॥
५६. इमा णं भंते। रयणप्पभा पुढवी कालतो केवच्चिरं होइ ? गोयमा ! न कयाइ' १. जाव (क, ख, ग, ट)।
४. अवःसप्तम्यां पृथिव्याम् [मवृ] । २. ४ (क,ख, ग, ट) ।
५. सासया (ग, ट, ता)। ३. एवं जाव अहेसत्तमाए पुढवीए (ग, ट); ६. तं चेव जाव (क, ख, ग, ट) । जावतमा (सा); “अवःसप्तम्या: (भवृ)। ७. कदायि (क,ख, ता) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |