Page Text
________________
२६०
संठिता पण्णत्ता ॥
२६. इमीसे णं भंते ! रयणप्पभाए पुढवीए खरकंडे किंसंठिते पण्णत्ते ? गोयमा ! झल्लरिसंठिते पण्णत्ते ॥
३०. इमीसे णं भंते ! रयणप्पभाए पुढवीए रयणकंडे किंसंठिते पण्णत्ते ? गोयमा ! झल्लरिसंठिए पण्णत्ते । एवं जाव रिट्ठे । एवं पंकबहुलेवि । एवं आवबहुलेवि, दधीवि, घणवावि, तणुवाएवि, ओवासंतरेवि - सव्वे झल्ल रिसंठिता पण्णत्ता ॥
३१. सक्करपभा णं भंते ! पुढवी किंसंठिता पण्णत्ता ? गोयमा ! झल्लरिसंठिता
जीवाजीवाभिगमे
पण्णत्ता ॥
३२. सक्करप्पभाए णं भंते ! पुढवीए घणोदधी किंसंठिते पण्णत्ते ? गोयमा ! झल्लरिसंठिते पण्णत्ते । एवं जाव ओवासंतरे । जहा सक्करप्पभाए वत्तव्वया एवं जाव असत्तमावि ॥
३३. इमीसे णं भंते ! रयणप्पभाए पुढवीए पुरत्थिमिल्लाओ चरिमंताओ केवतियं अबाधाए लोयंते पण्णत्ते ? गोयमा ! दुवालसहिं जोयणेहिं अबाधाए' लोयंते पण्णत्ते । एवं दाहिणिल्लातो पच्चत्थिमिल्लातो उत्तरिल्लातो ॥
३४. सक्करप्पभाए णं भंते ! पुढवीए पुरथिमिल्लातो चरिमंतातो केवतियं अबाधाए लोयंते पणते ? गोयमा ! तिभागणेहि तेरसहि जोयणेहिं अबाधाए लोयंते पण्णत्ते । एवं चउद्दिसिपि ॥
३५. वालुयप्पभाए णं भंते ! पुढवीए पुरथिमिल्लातो पुच्छा । गोयमा ! सतिभागेहिं तेरसहिं जोयणेहिं अबाधाए लोयंते पण्णत्ते । एवं चउद्दिसिपि ॥
३६. एवं सव्वासि चउसुवि दिसासु पुच्छितव्वं - पंकप्पभाए चोद्दसहिं जोयणेहिं अबाधाए लोयंते पण्णत्ते । पंचमाए' तिभागूणेहिं पण्णरसहिं जोयणेहिं अबाधाए लोयंते पण्णत्ते । छट्ठीए सतिभागेहि पण्णरसहिं जोयणेहिं अबाधाए लोयंते पण्णत्ते । सत्तमीए सोलसह जोयणेहि अबाधाए लोयंते पण्णत्ते । एवं जाव उत्तरिल्लातो ।
३७. इमीसे णं भंते ! रयणप्पभाए पुढवीए पुरथिमिल्ले चरिमंते कतिविधे पण्णत्ते ? गोयमा ! तिविहे पण्णत्ते, तं जहा - घणोदधिवलए घणवातवलए तणुवातवलए ।
३८. इमी से णं भंते ! रयणप्पभाए पुढवीए दाहिणिल्ले चरिमंते कतिविधे पण्णत्ते ? गोमा ! तिविधे पण्णत्ते, तं जहा - घणोदधिवलए घणवायवलए तणुवायवलए। एवं जाव उत्तरिल्ले । एवं सव्वासि जाव अधेसत्तमाए उत्तरिल्ले ||
३६. इमीसे णं भंते ! रयणप्पभाए पुढवीए घणोदधिवलए केवतियं बाहल्लेणं पण्णत्ते ? गोयमा ! छ जोयणाणि बाहल्लेणं पण्णत्ते ॥
१. आबाधाए (क, ख, ट ) ।
२. 'ता' प्रती अस्य सूत्रस्य स्थाने एवं पठोस्तिचतुत्थीए चोद्दसहि आबाधाए पंचमाए तिभागूणेहि पण्णरसहिं जो कछट्टीए सतिभागे हिं
Jain Education International
पण्णरसहिं जो ष्क सत्तमीए सोलस चतुद्दिसि । ३. धूमप्पभाए (क, ट) ।
४. 'ता' प्रतो अस्य सूत्रस्य स्थाने एवं पाठोस्तिएवं चतुद्दिसि । एवं सेसाण वि पुढ ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |