Page Text
________________
२५४
जीवाजीवाभिगमे जोणियपुरिसा संखेज्जगुणा ६. जलयरतिरिक्खजोणित्थियाओ संखेज्जगुणाओ ७. खहयरपंचिदियतिरिक्खजोणियनपुंसगा असंखेज्जगुणा ८. थलयरपंचिंदियतिरिक्खजोणियनपुंसगा संखेज्जगुणा १. जलयरपंचेंदियतिरिक्खजोणियनपुंसगा संखेज्जगुणा १०. चउरिदियतिरिक्खजोणियनपुंसगा विसेसाहिया ११. तेइंदियनपुंसगा विसेसाहिया १२. बेइंदियनपुंसगा विसेसाहिया १३. तेउक्काइयएगिदियतिरिक्खजोणियनपुंसगा असंखेज्जगुणा १४. पुढविकाइयनपुंसगा विसेसाहिया १५. आउक्काइयनपुंसगा विसेसाहिया १६. वाउक्काइयनपुंसगा विसेसाहिया १७. वणस्सतिकाइयएगिदियतिरिक्खजोणियनपुंसगा अणंतगुणा ॥
१४७. एतासि णं भंते ! मणुस्सित्थीणं-कम्मभूमियाणं अकम्मभूमियाणं अंतरदीवियाणं, मणस्सपुरिसाणं-कम्मभूमगाणं अकम्मभूमगाणं अंतरदीवगाणं, मणुस्सनपुंसगाणंकम्मभूमगाणं' अकम्मभूमगाणं अंतरदीवगाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! २. अंतरदीवगा मणुस्सित्थियाओ मणुस्सपुरिसा य एते णं दोण्णि वि तुल्ला सव्वत्थोवा ६. देवकुरुउत्तरकुरुअकम्मभूमिगमणुस्सित्थियाओ मणुस्सपुरिसा एते णं दोण्णिवि तुल्ला संखेज्जगुणा १०. हरिवासरम्मगवासअकम्मभूमिगमणुस्सित्थियाओ मणुस्सपुरिसा य एते णं दोण्णिवि तुल्ला संखेज्जगुणा १४. हेमवतहेरण्णवतअकम्मभूमिगमणुस्सित्थियाओ मणुस्सपुरिसा य दोण्णिवि तुल्ला संखेज्जगुणा १६. भरहेरवतकम्मभूमगमणुस्सपुरिसा दोवि संखेज्जगुणा १८. भरहेरवतकम्मभूमिगमणुस्सित्थियाओ दोवि संखेज्जगुणाओ। २०. पुव्वविदेहअवरविदेहकम्मभूमगमणुस्सपुरिसा दोवि संखेज्जगुणा २२. पुन्वविदेहअवरविदेहकम्मभूमिगमणुस्सित्थियाओ दोवि संखेज्जगुणाओ २३. अंतरदीवगमणुस्सनपुंसगा असंखेज्जगुणा २५. देवकुरुउत्तरकुरुअकम्मभूमगमणस्सनपुंसगा दोवि संखेज्जगुणा २७. 'हरिवासरम्मगवासअकम्मभूमगमणुस्सनपुंसगा दोवि संखेज्जगुणा २६. हेमवतहेरण्णवतअकम्मभूमगमणुस्सनपुंसगा दोवि संखेज्जगुणा ३१. भरहेरवतकम्मभूमगमणुस्सनपुंसगा दोवि संखेज्जगुणा" ३३. पुव्वविदेहअवरविदेहकम्मभूमगमणुस्सनपुंसगा दोवि संखेज्जगुणा ॥
१४८. एतासि णं भंते ! देवित्थीण-भवणवासिणीणं वाणमंतरीणं जोइसिणीणं वेमाणिणीणं, देवपुरिसाणं-भवणवासीणं जाव वेमाणियाणं, सोधम्मकाणं जाव गेवेज्जकाणं अणुत्तरोववातियाणं, णेरइयनपुंसगाणं-रयणप्पभापुढविणेरइयनपुंसगाणं जाव अहेसत्तमपुढविनेरइयनपुंसगाणं कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! १. सव्वत्थोवा अणुत्तरोववातियदेवपुरिसा ८. उवरिमगेवेज्जदेवपुरिसा संखेज्जगुणा 'तहेव जाव आणते" कप्पे देवपुरिसा संखेज्जगुणा, ६. अहेसत्तमाए पुढवीए णेरइयनपुंसगा असंखेज्जगुणा १०. छट्ठीए पुढवीए नेरइयनपुंसगा असंखेज्जगुणा ११. सहस्सारे कप्पे देवपूरिसा असंखेज्जगुणा १२. महासुक्के कप्पे देवपुरिसा असंखेज्जगुणा १३. पंचमाए पुढवीए नेरइयनपुंसगा असंखेज्जगुणा १४. तए कप्पे देवपुरिसा असंखेज्जगुणा १५. चउत्थीए पढवीए नेरइया असंखेज्जगणा १६. बंभलोए कप्प देवपूरिसा असंखेज्जगणा १७. तच्चाए
१. कम्मभूमिकाणं (क); कम्मभूमाणं (ग)। २. एवं तहेव जाव (क, ख, ग, ट)।
३. मज्झिम गे सं हेट्ठिम गे अच्चते क दे पुरि सं जाव आणते (ता)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |