Page Text
________________
दोच्चा तिविहपडिवत्ती
२५३ उक्कोसेणं वीसं सागरोवमकोडाकोडीओ, 'दोण्णि य वाससहस्साइं" अबाधा, अबाहूणिया कम्मठिती कम्मणिसेगो॥
१४०. नपुंसगवेदे णं भंते ! किंपगारे पण्णत्ते ? गोयमा ! महाणगरदाहसमाणे पण्णत्ते समणाउसो ! से तं नपुंसगा ।।
१४१. एतासिणं भंते ! इत्थीणं पुरिसाणं नपुंसगाण य कतरे कतरेहितो अप्पा वा बया वा तुल्ला वा विसेसा हिया वा ? गोयमा ! १. सव्वत्थोवा पुरिसा २. इत्थीओ संखेज्जगुणाओ ३. नपुंसगा अणंतगुणा ॥
१४२. एतासि णं भंते ! तिरिक्खजोणिइत्थीणं तिरिक्खजोणियपुरिसाणं तिरिक्खजोणियनपुंसगाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! १. सव्वत्थोवा तिरिक्खजोणियपुरिसा २. तिरिक्खजोणिइत्थीओ संखेज्जगुणाओ ३. तिरिक्खजोणियनपुंसगा अणंतगुणा ॥
१४३. एतासि णं भंते ! मणुस्सित्थीणं मणुस्सपुरिसाणं मणुस्सनपुंसगाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! १. सव्वत्थोवा मणुस्सपुरिसा २. मणुस्सित्थीओ संखेज्जगुणाओ ३. मणुस्सनपुंसगा असंखेज्जगुणा ।।
१४४. एतासि णं भंते ! देवित्थीणं देवपुरिसाणं णेरइयनपुंसगाण य कतरे कतरेहितो अप्पा वा बहुया वा तुल्ला वा विसेसांहिया वा ? गोयमा ! १. सव्वत्थोवा णेरइयनपुंसगा २. देवपुरिसा असंखेज्जगुणा ३. देवित्थीओ संखेज्जगुणाओ॥
१४५. एतासि णं भंते ! तिरिक्खजोणित्थीणं तिरिक्खजोणियपुरिसाणं तिरिक्खजोणियनपुंसगाणं, मणुस्सित्थीणं मणुस्सपुरिसाणं मणुस्सनपुंसगाणं, देवित्थीणं देवपुरिसाणं णेरइयनपुंसगाण य कतरे कतरेहितो अप्पा वा बहुया वा तुल्ला वा विसेसाहिय वा ? गोयमा ! १. सव्वत्थोवा मणुस्सपुरिसा २. मणुस्सित्थीओ संखेज्जगुणाओ ३. मणुस्सनपुंसगा असंखेज्जगुणा ४. णेरइयनपुंसगा असंखेज्जगुणा ५. तिरिक्खजोणियपुरिसा असंखेज्जगुणा ६ तिरिक्खजोणित्थियाओ संखेज्जगुणाओ ७. देवपुरिसा संखेज्जगुणा' ८. देवित्थियाओ संखेज्जगुणाओ ६. तिरिक्खजोणियनपुंसगा अणंतगुणा ॥ .....
१४६. एतासि णं भंते ! तिरिक्खजोणित्थीणं-जलयरीणं थलयरीणं खहयरीणं, तिरिक्खजोणियपूरिसाणं-जलयराणं थलयराणं खहयराणं, तिरिक्खजोणियनपंसगाणंएगिदियतिरिक्खजोणियनपुंसगाणं पुढविकाइयएगिदियतिरिक्खजोणियनपुंसगाणं जाव वणस्सतिकाइयएगिदियतिरिक्खजोणियनपुंसगाणं बेइंदियतिरिक्खजोणियनपुंसगाणं तेइंदियतिरिक्खजोणियनपुंसगाणं चउरिदियतिरिक्खजोणियनपुंसगाणं पंचेंदियतिरिक्खजोणियनपुंसगाणं-जलयराणं थलय राणं खहयराणं कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! १. सव्वत्थोवा खयरतिरिक्खजोणियपुरिसा २. खहयरतिरिक्खजोणित्थियाओ संखेज्जगुणाओ ३. थलयरपंचिदियतिरिक्खजोणियपुरिसा संखेज्जगुणा ४. थलयरपंचिदियतिरिक्खजोणित्थियाओ संखेज्जगुणाओ ५. जलयरतिरिक्ख१. वीस य वास सया (ता)।
सर्वत्र । २. एतेसि (क, ख, ग, ट); एगासि (ता) ३. असंखेज्जगुणा (क, ख, ८)
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |