Page Text
________________
२४०
जीवाजीवाभिगमे
देवित्थियाओ। सेत्तं जोइसियदेवित्थियाओ।
१६. से किं तं वेमाणियदेवित्थियाओ? वेमाणियदेवित्थियाओ दुविहाओ पण्णत्ताओ, तं जहा- सोहम्मकप्पवेमाणियदेवित्थियाओ ईसाणकप्पवेमाणियदेवित्थियाओ। सेत्तं वेमाणियदेवित्थियाओ।
२०. इत्थीणं भंते ! केवतियं कालं ठिती पण्णत्ता ? गोयमा ! एगेणं आदेसेणंजहण्णेणं अंतोमुहुत्तं, रक्कोसेणं पणपन्न पलिओवमाइं । एक्केणं आदेसेणं-जहण्णणं अंतोमुहत्तं, उक्कोसेणं नव पलिओवमाइं । एगेणं आदेसेणं-जहण्णणं अंतोमुहत्तं, उक्कोसेणं सत्त पलिओवमाइं। एगेणं आदेसेणं-जहण्णणं अंतोमुहुत्तं, उक्कोसेणं पन्नासं पलिओवमाइं ॥
२१. तिरिक्खजोणित्थीणं भंते ! केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं तिण्णि पलिओवमाई ॥
२२. जलयरतिरिक्खजोणित्थीणं भंते ! केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं पुव्वकोडी ॥
२३. च उप्पयथलयरतिरिक्खजोणित्थीणं भंते ! केवतियं कालं ठिती पण्णत्ता ? गोयमा ! जहा तिरिवखजोणित्थीओ ।।
२४. उरपरिसप्पथलयरतिरिक्खजोणित्थीणं' भंते ! केवतियं कालं ठिती पण्णत्ता ? गोयमा ! जहण्णणं अंतोमुहुत्तं, उक्कोसेणं' पुव्वकोडी। एवं भुयपरिसप्पतिरिक्खजोणित्थीओ।
२५. एवं खहयरतिरिक्खित्थीणं जहण्णेणं अंतोमुहुत्तं, उक्कोसेणं पलिओवमस्स असंखेज्जइभागो॥
२६. मणुस्सित्थीणं भंते ! केवतियं कालं ठिती पण्णत्ता ? गोयमा ! खेत्तं पडच्च जहण्णेणं अंतोमुहत्तं, उक्कोसेणं' तिण्णि पलिओवमाई। धम्मचरणं पडुच्च जहणणं अंतोमुहुत्तं, उक्कोसेणं देसूणा पुव्वकोडी॥
२७. कम्मभूमयमणुस्सित्थीणं भंते ! केवतियं कालं ठिती पण्णत्ता ? गोयमा ! खेत्तं पडुच्च जहण्णेणं अंतोमुहुत्तं, उक्कोसेणं तिण्णि पलिओवमाइं । धम्मचरणं पडुच्च जहण्णणं अंतोमुहुत्तं, उक्कोसेणं देसूणा पुव्वकोडी ।
२८. भरहेरवयकम्मभूमगमणुस्सित्थीणं भंते ! केवतियं कालं ठिती पण्णत्ता ? गोयमा! खेत्तं पडुच्च जहण्णेणं अंतोमुहुत्तं, उक्कोसेणं तिण्णि पलिओवमाइं। धम्मचरणं पडुच्च जहण्णेणं अंतोमुहत्तं, उक्कोसेणं देसूणा पुव्वकोडी ।
२६. पुव्वविदेहअवरविदेहकम्मभूमगमणुस्सित्थीणं भंते ! केवतियं कालं ठिती पण्णत्ता ? गोयमा ! खेत्तं पडुच्च जहण्णणं अंतोमुहुत्तं, उक्कोसेणं पुव्वकोडी। धम्मचरणं पडुच्च जहण्णेणं अंतोमुहुत्तं, उक्कोसेणं देसूणा पुव्वकोडी ॥
३०. अकम्मभूमगमणुस्सित्थीणं भंते ! केवतियं कालं ठिती पण्णत्ता ? गोयमा ! १. उरग० (क, ख, ग, घ)। २. उक्कस्सं (क, ख)।
४. उक्कस्सेणं (क, ख) प्रायः सर्वत्र । ३. भुयगपरिसप्पि० (क, ग, ट); भुयपरिसप्पि
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |