________________
पढमा दुविहपडिवत्ती
२३७
१३६. थावरे' णं भंते ! थावरेत्ति कालओ केवच्चिरं होइ ? गोयमा ! जहण्णेणं अंतोमुहुत्तं, उक्कोसेणं अणंतं कालं-अणंताओ उस्सप्पिणीओ ओसप्पिणीओ कालओ, खेत्तओ अणंता लोया असंखेज्जा पुग्गलपरियट्टा, ते णं पुग्गलपरियट्टा आवलियाए असंखेज्जइभागो॥
१४०. तसे णं भंते ! तसेत्ति कालओ केवच्चिरं होइ ? गोयमा ! जहन्नेणं अंतोमुहुत्तं, उक्कोसेणं असंखेज्जं कालं-असंखेज्जाओ उस्सप्पिणीओ ओसप्पिणीओ कालओ, खेत्तओ असंखेज्जा लोगा ॥
१४१. थावरस्स णं भंते ! केवइकालं अंतरं होइ ? गोयमा ! जहा तससंचिट्ठणाए ।
१४२. तसस्स णं भंते ! केवइकालं अंतरं होइ ? गोयमा ! जहण्णणं अंतोमुहुत्तं, उक्कोसेणं वणस्सइकालो।
१४३. एएसि णं भंते ! तसाणं थावराण य कयरे कयरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा तसा, थावरा अणंतगुणा। से तं दुविहा संसारसमावण्णगा जीवा पण्णत्ता ।।
१. अत: १४१ सूत्रपर्यन्तं 'ता' प्रती वाचनाभेदो विद्यते-थावरेणं भंते थावरे ति कालतो केवच्चिरं होति गो जह अंतोमु उक्को वणस्सति
कालो तसस्स संचिट्ठणा पुढविकालो थावरस्संतरं पुढविकालो तसस्संतरं वणस्सतिकालो।
Jain Education International
For Private & Personal Use Only
www.jainelibrary.org
