Page Text
________________
पढमा दुविहपडिवत्ती
२२५
समुट्टिए सूरकं तमणिणिस्सिए । जे यावण्णे तहप्पगारा ते समासतो दुविहा पण्णत्ता, तं जहा - पज्जत्तगा य अपज्जत्तगा य । तत्थ णं जेते अपज्जत्तगा ते णं असंपत्ता । तत्थ णं जेते पज्जत्तगा, एएसि णं दण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई, संखेज्जाई जोणिप्पमुहसयसहस्साइं । पज्जत्तगणिस्साए अपज्जत्तगा वक्कमंति—- जत्थ एगो तत्थ यिमा असंखेज्जा ॥
७६. तेसि णं भंते ! जीवाणं कति सरीरंगा पण्णत्ता ? गोयमा ! तओ सरीरगा पण्णत्ता, तं जहा - ओरालिए तेयए कम्मए । सेस' तं चेव । सरीरगा सूइकलावसंठिया । तिणि लेस्सा | ठिती जहणेणं अंतोमुहुत्तं, उक्कोसेणं तिणि राइंदियाइं । तिरियमणुसेहिंतो उववाओ | सेसं तं चेव जाव एगगतिया दुआगतिया, परित्ता असंखेज्जा पण्णत्ता । सेत्तं बादर उक्काइया । सेत्तं तेउक्काइया ॥
वाउकाइय-पदं
८०. से' किं तं वाउक्काइया ? वाउक्काइया दुविहा पण्णत्ता, तंजहा - सुहुमवावकाइयाय वायरवा उक्काइया य । सुहुमवाउक्काइया जहा तेउवकाइया, णवरंसरीरगा पडागसंठिया । एगगतिया दुआगतिया, परित्ता असंखिज्जा । सेत्तं
सुहुमवाउक्काइया ॥
८१. से कि तं बादरवाउक्काइया ? बादरवाउक्काइया अणेगविहा पण्णत्ता, तं जहा --पाईणवाते पडीणवाते" दाहिणवाए उदीणवाए उड्ढवाए अहोवाए तिरियवाए विदिसीवाए वाउ भामे वाउकलिया वायमंडलिया उक्कलियावाए मंडलियावाए गुंजावाए झंझावाए संवट्टगवाए घणवाए तणुवाए सुद्धवाए। जे यावण्णे तहप्पगारा ते समासतो दुविहा पण्णत्ता, तं जहा - पज्जत्तगा य अपज्जत्तगा य । तत्थ णं जेते अपज्जत्तगा ते णं असंपत्ता । तत्थ णं जेते पज्जत्तगा, एतेसि णं वण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई, संखेज्जाई जोणिप्पमुहसय सहस्साइं । पज्जत्तगणिस्साए अपज्जत्तगा वक्कमंति - जत्थ एगो तत्थ नियमा असंखेज्जा |
८२. तेसि णं भंते ! जीवाणं कति सरीरगा पण्णत्ता ? गोयमा ! चत्तारि सरीरगा पण्णत्ता, तं जहा ओरालिए वेउब्विए तेयए कम्मए । सरीरगा पडागसंठिया । चत्तारि समुग्धाया—वेयणासमुग्धाए कसायसमुग्धाए मारणंतियसमुग्धाए वेउव्वियसमुग्धाए । आहारो णिव्वाघाणं छद्दिसि, वाघायं पडुच्च सिय तिदिसि सिय चउदिसि सिय पंचदिसि । १. जी० १।७७ ।
२. प्रस्तुतालापकेषु 'ता' प्रतौ पाठसंक्षेपो विद्यते— सुहुमवाउ जहा सुहुमतेउ णाणत्तं पडागसं आहारो णिव्वाघातेणं ६ वाघा सिय ३-६ । बादरवाउभेदो णाणत्तं एवं चेव द्विती सह उ णिव्वाघातेणं ६ वाघातं य ३-६ ना सरीरगा ४ समुग्धाता वि४ । ३. जी० १।७७ ।
Jain Education International
४. पातीणवाते ( क ) 1
५. अतो आदर्शेषु पाठसंक्षेपोस्ति । मलयगिरिणा 'बादरवारकाइया वि एवं चेव नवरं भेदो जहा पण्णवणार' इति पाठानुसारिव्याख्या कृतास्ति तथा पूर्णपाठोपि तत्र उल्लिखितः । अस्माभिः समूले स्वीकृत: ।
६. अतोनन्तरं १।१६,१७ सूत्रयोः सूचकं 'सेसं तं चेव' इति पाठो युज्यते ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |