Page Text
________________
जीवाजीवाभिगमे
वण्णपरिणया गंधपरिणया रसपरिणया फासपरिणया संठाणपरिणया । 'जे वण्णपरिणता ते पंचविहा पण्णत्ता, तं जहा - कालवण्णपरिणता नीलवण्णपरिणता लोहियवण्णपरिणता हालवण परिणता सुक्किलवण्णपरिणता ।
२१६
जे गंध परिणता ते दुविहा पण्णत्ता, तं जहा - सुब्भिगंधपरिणता य दुब्भिगंधपरिणता य । जे रसपरिणता ते पंचविहा पण्णत्ता, तं जहा - तित्तरसपरिणता कडुयरसपरिणता कसायरसपरिणता अंबिल रसपरिणता महुररसपरिणता ।
सरिता विहा पण्णत्ता, तं जहा - कक्खडफासपरिणता मउयफासपरिणता गरुयफासपरिणता लहुयफासपरिणता सीयफासपरिणता उसिणफासपरिणता निद्धफासपरिणता लक्खफासपरिणता ।
जेठाणपरिणता ते पंचविहा पण्णत्ता, तं जहा -- परिमंडलसंठाणपरिणता वट्टसंठाणपरिणता तं संठाणपरिणता चउरंससंठाणपरिणता आयतसंठाणपरिणता " । एवं ते जहा पण्णवणाए । सेत्तं रूविअजीवाभिगमे । सेत्तं अजीवाभिगमे ॥
जीवाभिगम-पदं
६. से किं तं जीवाभिगमे ? जीवाभिगमे दुविहे पण्णत्ते, तं जहा - संसारसमावण्णजीवाभिगमे' य असंसारसमावण्णजीवाभिगमे य ॥
७. से किं तं असंसारसमावण्णजीवाभिगमे ? असंसारसमावण्णजीवाभिगमे दुविहे पण्णत्ते, तं जहा - अणंतरसिद्धासंसारसमावण्णजीवाभिगमे य परंपरसिद्धासंसारसमावण्णजीवाभिगमे य ॥
८. से किं तं अतरसिद्धासंसारसमावण्णजीवाभिगमे ? अणंतरसिद्धासंसारसमावण्णजीवाभिगमे पण्णरसविहे पण्णत्ते, तं जहा - तित्थसिद्धा' अतित्थसिद्धा तित्थगरसिद्धा अतित्थगर सिद्धा सबुद्धसिद्धा पत्तेयबुद्धसिद्धा बुद्धवोहियसिद्धा इत्थीलिंग सिद्धा पुरिसलिंगसिद्धा नपुंसकलिंग सिद्धा सलिंगसिद्धा अण्णलिंग सिद्धा गिहिलिंगसिद्धा एगसिद्धा' अणेगसिद्धा । सेत्तं अणंतरसिद्धा ॥
६. से किं तं परंपरसिद्धा संसारस मावण्णजीवाभिगमे ? परंपरसिद्धा संसारसमावण्णजीवाभिगमे अगविहे पण्णत्ते, तं जहा - अपढमसमय सिद्धा - दुसमयसिद्धा जाव अनंतसमयसिद्धा । से त्तं परंपरसिद्धासंसारसमावण्णजीवाभिगमे । सेत्तं असंसारसमावण्णजीवाभिगमे ॥
१०. से किं तं संसारसमावण्णजीवाभिगमे ? संसारसमावण्णएसु णं जीवेसु इमाओ व पडिवत्तीओ एवमाहिज्जंति, तं जहा -
१. एगे एवमाहंसु - दुविहा संसारसमावण्णगा जीवा पण्णत्ता । २. एगे एवमाहंसु - तिविहा संसारसमावण्णगा जीवा पण्णत्ता । ३. एगे एवमाहंसु - चउव्विहा संसारसमावण्णगा जीवा पण्णत्ता ।
१. एतावान् पाठ: आदर्शेषु नास्ति, किन्तु प्रज्ञापनात : (१४) पूरितोस्ति । २. पण्ण० ११४-६
Jain Education International
३. समावण्णगजीवाभिगमे ( क, ख, ग, ट) सर्वत्र ।
४. सं० पा० - तित्थसिद्धा जाव अणेगसिद्धा ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |