Page Text
________________
२१०
रायपसेणइयं
गयलक्खणं ३५. गोणलक्खणं ३६. कुक्कुडलक्खणं ३७. छत्तलक्खणं ३८. चक्कलक्खणं' ३४. दंडलक्खणं ४०. असिलक्खणं ४१. मणिलक्खणं ४२. कागणिलक्खणं' ४३. वत्थविज्जं ४४. णगरमाणं ४५. खंधावारमाणं ४६. चारं ४७. पडिचारं ४८. वहं ४६. पडिवहं ५०. चक्कवहं ५१. गरुलवूहं ५२. सगडवहं ५३. जुद्धं ५४. निजुद्ध ५५. जुद्धजुद्ध' ५६. अटिजुद्धं ५७. मुट्ठिजुद्धं ५८. बाहुजुद्धं ५६. लयाजुद्धं ६०. ईसत्थं ६१. छरुप्पवायं ६२. धणुवेयं ६३. हिरण्णपागं ६४. सुवण्णपागं ६५. सुत्तखेड्ड ६६. वट्टखेड्ड ६७. णालियाखेड्ड ६८. पत्तच्छेज्जं ६६. कडगच्छेज्जं ७०. सज्जीवं ७१. निज्जीवं ७२. सउणरुयं इति ॥
८०७. तए णं से कलायरिए तं दढपइण्णं दारगं लेहाइयाओ गणियप्पहाणाओ सउणरुयपज्जवसाणाओ बावत्तरि कलाओ सुत्तओ य अत्थओ य गंथओ य करणओ य सिक्खावेत्ता सेहावेत्ता अम्मापिऊणं उवणेहिइ॥
८०८. तए णं तस्स दढपइण्णस्स दारगस्स अम्मापियरो तं कलायरियं विउलेणं असण-पाण-खाइम-साइमेणं वत्थ-गंध-मल्लालंकारेणं सक्कारिस्संति सम्माणिस्संति, विउलं जीवियारिहं पीइदाणं दल इस्संति, दल इत्ता पडिविसज्जेहिंति ॥
८०६. तए णं से दढपइण्णे दारए उम्मुक्कबालभावे विण्णयपरिणयमित्ते जोव्वणगमणुपत्ते वावत्तरिकलापंडिए णवंगसुत्तपडिबोहिए अट्ठारसविहदेसिप्पगारभासाविसारए गीयरई गंधव्वणट्रकूसले सिंगारागारचारुरूवे संगय-गय-हसिय-भणिय-चिट्रिय-विलासणिउण-जुत्तोवयारकुसले हयजोही गयजोही रहजोही बाहुजोही बाहुप्पमद्दी अलंभोगसमत्थे साहसिए वियालचारी यावि भविस्सइ॥
८१०. तए णं तं दढपइण्णं दारगं अम्मापियरो उम्मुक्कबालभावं •विण्णयपरिणयमित्तं जोव्वणगमणुपत्तं बावत्तरिकलापंडियं णवंगसुत्तपडिबोहियं अट्ठारसविहदेसिप्पगारभासाविसारयं गीयरइं गंधव्वणकुसलं सिंगारागारचारुरूवं संगय-गय-हसियभणिय-चिट्ठिय-विलास-णिउण-जुत्तोवयारकुसलं हयजोहि गयजोहिं रहजोहिं बाहुजोहिं बाहुप्पमद्दि अलंभोगसमत्थं साहसियं वियालचारिं च वियाणित्ता विउलेहि अण्णभोगेहि य पाणभोगेहि य लेणभोगेहि य वत्थभोगेहि य सयणभोगेहि य उवनिमंतेहिंति ॥
८११. तए णं दढपइण्णे दारए तेहिं विउलेहिं अण्णभोगेहि पाणभोगेहि लेणभोगेहिं वत्थभोगेहिं° सयणभोगेहिं णो सज्जिहिति णो गिज्झिहिति णो मुज्झिहिति णो अज्झोववज्जिहिति । से जहाणामए पउमुप्पलेइ वा पउमेइ वा" 'कुमुएइ वा नलिणेइ वा सुभगेइ वा सुगंधिएइ वा पोंडरीएइ वा महापोंडरीएइ वा सयपत्तेइ वा सहस्सपत्तेइ वा १. x (क, ख, ग)।
८. सं० पा०-उम्मुक्कबालभावं जाव वियाल२. कागिणि° (क)।
__ चारि। ३. जुद्धाइजुद्धं (क, ख, ग)।
९. सं० पा०–अण्णभोगेहिं जाव सयणभोगेहिं । ४. पागं मणिपागं धाउपागं (क,ख,ग,घ,च,छ)। १०. "उप्पलेइ' ओ० सू० १५०; अत्रापि 'उप्पलेइ' ५. खेडं (क, ख, ग, च, छ) ।
इति पाठो युक्तोस्ति । ६. "विहदेसप्प (क, घ)।
११. सं० पा०--पउमेइ वा जाव सयसहस्सपत्तेइ ७. भिंगारा (क)।
वा।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |