Page Text
________________
एसि-कहाणगं
१९३
atar - इor - सेट्ठि- सेणावइ - सत्यवाह - मंति- महामंति- गणग दोवारिय- अमच्च- चेडपीढमद्द-नगर-निगम- दूय- संधिवालेहिं सद्धि संपरिवुडे विहरामि । तए णं ममं णगरगुत्तिया ससक्खं सहोढं सलोद्दं सगेवेज्जं अवउडगबंधणबद्धं चोरं उवणेंति । तए णं अहं तं पुरिसं सव्वतो समंता समभिलोएमि, नो चेव णं तत्थ जीवं पासामि ।
तणं अहं तं पुरिसं दुहा फालियं करेमि, करेत्ता सव्वतो समंता समभिलोएम, नो चेवणं तत्थ जीव पासामि । एवं तिहा चउहा संखेज्जहा फालियं करोमि, करेत्ता सव्वतो समता समभिलोएम, णो चेव णं तत्थ जीवं पासामि ।
इणं भंते! अहं 'तंसि पुरिसंसि', दुहा वा तिहा वा चहा वा संखेज्जहा वा फालियंमि जीवं पासंतो, तो णं अहं सद्दहेज्जा' पत्तिएज्जा रोएज्जा जहा - अण्णो जीवो अण्ण सरीरं, नो तज्जीवो तं सरीरं ।
जम्हाणं भंते! अहं तंसि दुहा वा तिहा वा चउहा वा संखेज्जहा वा फालियंमि जीवन पासामि, तम्हा सुपतिट्ठिया मे पइण्णा जहा - तज्जीवो तं सरीरं, "नो अण्णो जीव अण्णं सरीरं ॥ मूढ-कट्ठहारय-पदं
७६५, तए णं केसी कुमार-समणे पएस रायं एवं वयासी -- मूढतराए णं तुमं पएसी ! ताओ तुच्छतराओ । के णं भंते ! तुच्छतराए ? पएसी ! से जहाणामए - केइ पुरिसा वणत्थी वणोवजीवी वणगवेसणयाए जोइंच जोईभायणं च गहाय कट्ठाणं अडवि अणुपविट्ठा ।
तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुपत्ता समाणा एगं पुरिसं एवं वयासी - अम्हे णं देवाणुप्पिया ! कट्ठाणं अडवि पविसामो एत्तो णं तुमं जोइभायणाओ जोई गहाय अम्हं असणं साहेज्जासि । अह तं जोभा जोई विज्झवेज्जा, तो' णं तुमं कट्ठाओ जोई गहाय अम्हं असणं साहेज्जासित कट्टु कट्ठा अवि अणुपविट्ठा ।
-
तणं से पुरिसे तओ मुहुत्तंतरस्स तेसि पुरिसाणं असणं साहेमि त्ति कट्टु जेणेव जोतिभायणे तेणेव उवागच्छइ, जोइभायणे जोई विज्झायमेव पासति ।
तणं से पुरिसे जेणेव से कट्ठे तेणेव उवागच्छइ, उवागच्छित्ता तं कट्ठे सव्वओ समंता समभिलोएति, नो चेव णं तत्थ जोइं पासति ।
तणं से पुरिसे परियरं बंधइ, फरसुं गेव्हइ, तं कट्ठे दुहा फालियं करेइ, सव्वतो समंता समभिलोएइ, णो चेव णं तत्थ जोइं पासइ । एवं 'तिहा चउहा' संखेज्जहा वा
१. पालियं (च, छ) ।
२. सं० पा०—करेमि णो ।
३. तंपुरिसं (क, च, छ) ।
४. पासं (क, ख, ग, घ, च, छ) । ५. सं० पा० सद्दहेज्जा तं चेव ।
Jain Education International
६. सं० पा० - सरीरं तं चैव ।
७. अकामिया (क, ख, ग, घ ) ; अकामयाए (च, छ) ; सं० पा० – अगामियाए जाव किंचि ।
८. एत्तो (क); पुत्ता ( च, छ) ।
६. सं० पा० एवं जाव संखेज्जहा ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |