Page Text
________________
पएसि-कहाणगं
१९१
परिकिलते नो पभू एगं महं अयभारगं वा' 'त उयभारगं वा सीसगभारगं० वा परिवहित्तए। जति णं भंते ! सच्चेव पुरिसे जुण्णे जराजज्जरियदेहे' 'सिढिलवलियावणद्धगत्ते दंडपरिग्गहियग्गहत्थे पविरलपरिसडियदंतसेढी आउरे किसिए पिवा सिए दुब्बले परिकिलंते पभू एगं महं अयभारगं वा' 'तउयभारगं वा सीसगभारगं वा परिवहित्तए, तो णं अहं सद्दहेज्जा' •पत्तिएज्जा रोएज्जा जहा-अण्णो जीवो अण्णं सरीरं, णो तज्जीवो तं सरीरं । जम्हा णं भंते ! सच्चेव पुरिसे जुण्णे 'जराजज्जरियदेहे सिढिलवलियावणद्धगत्ते दंडपरिग्गहियग्गहत्थे पविरलपरिसडियदंतेसेढी आउरे किसिए पिवासिए दुब्बले° परिकिलंते नो पभू एगं महं अयभारगं वा 'तउयभारगं वा सीसगभारगं वा परिवहित्तए, तम्हा सुपतिट्ठिता मे पइण्णा • जहा-तज्जीवो तं सरीरं, नो अण्णो जीवो अण्णं सरीरं° । जीव-सरीर-अण्णत्त-पदं
७६१. तए णं केसी कुमार-समणे पएसिं रायं एवं वयासी–से जहाणामए–केइ पुरिसे तरुणे जाव निउणसिप्पोवगए णवियाए विहंगियाए णवएहिं सिक्कएहिं णवएहिं पच्छियापिडएहिं पहू एगं महं अयभारगं वा" 'तउयभारगं वा सीसगभारगं वा परिवहित्तए ? हंता पभू । पएसी! से चेव णं पुरिसे तरुणे जाव निउणसिप्पोवगए जुण्णियाए दुब्बलियाए घुणक्खइयाए विहंगियाए", जुण्णएहिं दुब्बलएहिं घुणक्खइएहिं सिढिल-तयापिणद्धएहिं सिक्कएहिं, जुण्णएहिं दुब्बलएहिं घुणक्खइएहिं पच्छियापिडएहि पभू एगं महं अयभारगं वा 'तउयभारगं वा सीसगभारगं वा परिवहित्तए ? णो तिणठे समठे। कम्हा णं ? भंते ! तस्स पुरिसस्स जुण्णाइं उवगरणाइं भवंति। एवामेव पएसी ! से चेव पूरिसे जुण्णे" 'जराजज्जरियदेहे सिढिलवलियावणद्धगत्ते दंडपरिग्गहियग्गहत्थे पविरलपरिसडियदंतसेढी आउरे किसिए पिवासिए दुब्बले परि० किलंते जुण्णोवगरणे नो पभू एगं महं अयभारगं वा" 'तज्यभारगं वा सीसगभारगं वा परिवहित्तए, तं सद्दहाहि णं तुम पएसी ! जहा-अण्णो जीवो अण्णं सरीरं, नो तज्जीवो तं सरीरं । तज्जीव-तच्छरीर-पदं
७६२. तए णं पएसी राया केसि कुमार-समणं एवं वयासी-अत्थि णं भंते" ! 'एस
१. सं० पा०–अयभारगं वा जाव परिवहित्तए। एहिं (छ) । २. सं० पा०-जराजज्जरियदेहे जाव परिकिलंते। १०. सं० पा०-अयभारगं वा जाव परिवहित्तए। ३. सं० पा०-अयभारगं वा जाव परिवहित्तए। ११. वाहंगियाए (क, ख, ग, घ, च, छ)। ४. सं० पा०-सद्दहेज्जा तहेव।
१२. पच्छिपिंडएहिं (क, ख); पत्थियापिडएहि ५. सं० पा०-जुण्णे जाव किलंते ।
(ग, घ); पच्छिपिडएहिं (च); पच्छपिंड६. सं ० पा० -अयभारगं वा जाव परिवहित्तए। एहिं (छ)। ७. सं० पा०-पइण्णा तहेव ।
१३. सं० पा०.---अयभारगं वा जाव परिवहित्तए । ८. के वि (घ, च)।
१४. सं०पा०-जुण्णे जाव किलंते । ६. पच्छियापिंडएहि (क); पत्थियपिडएहिं (ख, १५. सं० पा०-अयभारगं वा जाव परिवहित्तए।
ग, घ); पट्रियापिंडएहिं (च); पत्थयपिंड- १६. सं० पा०.-भंते जाव नो।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |