Page Text
________________
१६०
रायपसेणइयं
पण्णओ उवमा, इमेणं पुण कारणेणं नो उवागच्छइ-भंते ! से जहाणामए–केइ पुरिसे तरुणे' 'बलवं जुगवं जुवाणे अप्पायंके थिरग्गहत्थे दढपाणि-पाय-पिट्ठतरोरुपरिणए घणणिचिय-वट्ट-वलियखंधे चम्मेटुग-दुघण-मुट्ठिय-समाहय-निचियगत्ते उरस्सबलसमण्णागए तलजमलजुयलबाहू लंघण-पवण-जइण-पमहणसमत्थे छेए दक्खे पत्तठे कुसले मेधावी णिउण° सिप्पोवगए पभू पंचकंडगं निसिरित्तए ? हंता पभू । जति णं भंते ! सच्चेव पुरिसे बाले •अदक्खे अपत्तठे अकुसले अमेहावी मंदविण्णाणे पभू होज्जा पंचकंडगं निसिरित्तए, तो णं अहं सद्दहेज्जा •पत्तिएज्जा रोएज्जा जहा-अण्णो जीवो अण्णं सरीरं, नो तज्जीवो तं सरीरं । जम्हा णं भंते ! सच्चेव पुरिसे जाव मंदविण्णाणे णो 'पभू पंचकंडयं" निसिरित्तए, तम्हा सुपइट्ठिया मे पइण्णा जहा-तज्जीवो 'तं सरीरं, नो अण्णो जीवो अण्णं सरीरं ॥ जीव-सरीर-अण्णत्त-पदं
७५६. तए णं केसी कुमार-समणे पएसिं रायं एवं वयासी–से जहाणामए-केइ पुरिसे तरुणे 'बलवं जुग जुवाणे अप्पायंके थिरग्गहत्थे दढपाणि-पाय-पिढ्तरोरुपरिणए घण-णि चिय-वट्ट-वलियखंधे चम्मेद्वग-दुघण-मुट्ठिय-समाहय-निचियगत्ते उरस्सबलसमण्णागए तल-जमल-जुयलबाहू लंधण-पवण-जइण-पमद्दणसमत्थे छए दक्खे पत्तठे कुसले मेधावी णिउण सिप्पोवगए णवएणं धणुणा नवियाए जीवाए नवएणं उसुणा 'पभू पंचकंडगं" निसिरित्तए ? हंता पभू । सो चेव णं पुरिसे तरुणे जाव निउणसिप्पोवगए कोरिल्लएणं धणुणा कोरिल्लयाए जीवाए कोरिल्लएणं उसुणा पभू पंचकंडगं निसिरित्तए ? णो तिणठे समठे । कम्हा णं भंते ! तस्स पुरिसस्स अपज्जत्ताई उवगरणाइं हवंति । एवामेव पएसी ! सो चेव पुरिसे बाले •अदक्खे अपत्तठे अकुसले अमेहावी° मंदविण्णाणे अपज्जत्तोवगरणे णो पभू पंचकंडयं निसिरित्तए, तं सद्दहाहि णं तुम पएसी ! जहा-अण्णो जीवो" •अण्णं सरीरं, नो तज्जीवो तं सरीरं । तज्जीव-तच्छरीर-पदं
७६०. तए णं पएसी राया केसिं कुमार-समणं एवं वयासी-अत्थि णं भंते ! एस पण्णओ उवमा, इमेणं पुण कारणेणं नो उवागच्छइ-भंते ! से जहाणामए-केइ पुरिसे तरुणे जाव निउणसिप्पोवगते पभू एगं महं अयभारगं वा तउयभारगं वा सीसगभारगं वा परिवहित्तए ? हंता पभू । सो चेव णं भंते ! पुरिसे जुण्णे जराजज्जरियदेहे सिढिलवलियावणद्धगत्ते दंडपरिग्गहियग्गहत्थे पविरलपरिसडियदंतसेढी आउरे किसिए पिवासिए दुब्बले १. सं० पा०-तरुणे जाव सिप्पोवगए।
५. पभू यं च कंडगं (क, च)। २. से चेव (क)।
६. सं० पा०-तज्जीवो तं चेव । ३. सं० पा०-बाले जाव मंदविण्णाणे; अस्य ७. सं० पा०-तरुणे जाव सिप्पोवगए। पाठस्य पूति: 'छए दक्खे पत्तठे कुसले मेहावी' ८. पडिचियाए (क, ख, ग, घ, च, छ)। अनेन पाठेन कृता।
६. पभू णं च कंडगं (क)। ४. सं० पा०-सद्दहेज्जा जहा अण्णो जीवो तं १०.सं० पा०-बाले जाव मंदविण्णाणे। चेव ।
११. सं० पा०-जीवो तं चेव ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |