Page Text
________________
पएसि-कहाणगं
१७६ वागरणाइं° पुच्छइ। एएण वि' 'ठाणेणं चित्ता ! जीवे केवलिपण्णत्तं धम्म° लभइ सवणयाए। उवस्सयगयं' 'समणं वा माहणं वा अभिगच्छइ वंदइ णमंसइ सक्कारेइ सम्माणेइ कल्लाणं मंगलं देवयं चेइयं पज्जुवासेइ, अट्ठाइं हेऊई पसिणाइं कारणाई वागरणाइं पुच्छइ। एएण वि ठाणेणं चित्ता ! जीवे केवलिपण्णत्तं धम्म लभइ सवणयाए ।। गोयरग्गगयं समणं वा' 'माहणं वा अभिगच्छइ वंदइ णमंसइ सक्कारेइ सम्माणेइ कल्लाणं मंगलं देवयं चेइयं पज्जुवासेइ, विउलेणं 'असणपाणखाइमसाइमेणं पडिलाभेइ, अट्ठाई 'हेऊइं पसिणाइं कारणाइं वागरणाइं° पुच्छइ । एएण वि ठाणेणं चित्ता ! जीवे केवलिपण्णत्तं धम्म लभइ सवणयाए। जत्थ वि य णं समणेण वा माहणेण वा सद्धि अभिसमागच्छइ तत्थ वि य णं णो हत्थेण वा' 'वत्थेण वा छत्तेण वा अप्पाणं आवरेत्ताणं चिट्ठइ । एएण वि ठाणेणं चित्ता ! जीवे केवलिपण्णत्तं धम्म लभइ सवणयाए। तुझं च णं चित्ता ! पएसी राया-आरामगयं वा 'उज्जाणगयं वा समणं वा माहणं वा णो अभिगच्छइ णो वंदइ णो णमंसइ णो सक्कारेइ णो सम्माणेइ णो कल्लाणं मंगलं देवयं चेइयं पज्जुवासेइ, नो अट्ठाइं हेऊई पसिणाइं कारणाइं वागरणाई पुच्छइ। तं कहं णं चित्ता ! पएसिस्स रण्णो धम्ममाइक्खिस्सामो ? उवस्सयगयं समणं वा माहणं वा णो अभिगच्छइ णो वंदइ णो णमंसइ णो सक्कारेइ णो सम्माणेइ णो कल्लाणं मंगलं देवयं चेइयं पज्जुवासेइ, णो अट्ठाई हेऊई पसिणाइं कारणाई वागरणाई पुच्छइ । तं कहं णं चित्ता ! पएसिस्स रण्णो धम्ममाइक्खिस्सामो ? गोयरग्गगयं समणं वा माहणं वा णो अभिगच्छइ णो वंदइ णो णमंसइ णो सक्कारे णो सममणेइ णो कल्लाणं मंगलं देवयं चेइयं पज्जुवासेइ, णो विउलेणं असणपाणखाइमसाइमेणं पडिलाभेइ, णो अट्ठाई हेऊई पसिणाइं कारणाइं वागरणाइं पुच्छइ। तं कहं णं चित्ता ! पएसिस्स रण्णो धम्ममाइक्खिस्सामो ? जत्थ वि य णं समणेण वा माहणेण वा सद्धि अभिसमागच्छइ तत्थ वि य णं हत्थेण वा वत्थेण वा छत्तेण वा अप्पाणं आवरेत्ता चिट्ठइ । तं कहं णं चित्ता ! पएसिस्स रण्णो धम्ममाइक्खिस्सामो? ||
७२०. तए णं से चित्ते सारही केसि कुमार-समणं एवं वयासी-एवं खलु भंते ! अण्णया कयाइ कंबोएहिं चत्तारि आसा उवायणं उवणीया, ते मए पएसिस्स रण्णो अण्णया चेव उवणेया । तं एएणं खलु भंते ! कारणेणं अहं पएसिं रायं देवाणुप्पियाणं
१. सं० पा०-एएण वि जाव लभइ । २. सं० पा०-उवस्सयगयं । ३. सं० पा०–समणं वा जाव पज्जुवासेइ । ४. सं० पा०- विउलेणं जाव पडिलाभेइ । ५. सं० पा०-अट्ठाई जाव पुच्छइ ।
६. सं० पा०-हत्थेण वा जाव आवरेत्ताणं । ७. सं० पा०-आरामगयं वा तं चेव सव्वं भाणि
यव्वं आइल्लएणं गमएणं जाव अप्पाणं । ८. उवणयणं (क); उवयणं (ख, ग, घ, च, छ) ६. विणेया (क, ख, ग, घ, च)
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |