Page Text
________________
रायपसेणइयं
चाउग्धंट आसरहं जुत्तामेव उवट्ठवेंति, उवट्ठवेत्ता तमाणत्तियं पच्चप्पिणंति ॥
६६२. तए णं से चित्ते सारही हाए कयवलिकम्मे कयकोउय-मंगल-पायच्छित्ते सुद्धप्पावेसाइं मंगल्लाइं वत्थाई पवरपरिहिते अप्पमहग्याभरणालंकियसरीरे जेणेव चाउग्घंटे आसरहे तेणेव उवागच्छइ, उवागच्छित्ता चाउग्घंटं आसरहं दुरुहइ', दुरुहित्ता सकोरेंटमल्लदामेणं' छत्तेणं धरिज्जमाणेणं महया भड-चडगर'-वंदपरिखित्ते सावत्थीणगरीए मज्झमज्झेणं निग्गच्छइ, निग्गच्छित्ता जेणेव कोट्ठए चेइए जेणेव केसी कुमार-समणे तेणेव उवागच्छइ, उवागच्छित्ता केसि-कुमार-समणस्स अदूरसामंते तुरए णिगिण्हइ, रहं ठवेइ, ठवेत्ता रहाओ पच्चोरुहति, पच्चोरुहित्ता जेणेव केसी कुमार-समणे तेणेव उवागच्छइ, उवागच्छित्ता केसि कुमार-समणं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता णच्चासण्णे णातिदूरे सुस्सूसमाणे णमंसमाणे अभिमुहे पंजलिउडे विणएणं पज्जुवासइ॥ धम्मदेसणा-पदं
६६३. तए णं से केसी कुमार-समणे चित्तस्स सारहिस्स तीसे महतिमहालियाए मदच्चपरिसाए चाउज्जामं धम्म कहेइ, तं जहा-सव्वाओ पाणाइवायाओ वेरमणं सव्वाओ मुसावायाओ वेरमणं, सव्वाओ अदिण्णादाणाओ वेरमणं, सव्वाओ परिग्गहातो वेरमणं ॥
६६४. तए णं सा महतिमहालिया महच्चपरिसा केसिस्स कुमार-समणस्स अंतिए धम्म सोच्चा निसम्म जामेव दिसि पाउब्भूया तामेव दिसि पडिगया। चित्तस्स गिहिधम्म-पडिवज्जण-पदं ।
६६५. तए णं से चित्ते सारही केसिस्स कुमार-समणस्स अंतिए धम्म सोच्चा निसम्म हट्ट तुटु-चित्तमाणं दिए पीइमणे परमसोमणस्सिए हरिसवस-विसप्पमाणहियए उट्टाए उठेइ, उठेत्ता केसि कुमार-समणं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-सद्दहामि णं भंते ! निग्गंथं पावयणं । पत्तियामि णं भंते ! निग्गंथं पावयणं । रोएमि णं भंते ! निग्गंथं पावयणं । अब्भुठेमि णं भंते ! निग्गंथं पावयणं । एवमेयं भंते ! 'तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! जं णं तुब्भे वदह' त्ति कटु वंदइ नमसइ, वंदित्ता नमंसित्ता एवं वयासी-जहा णं देवाणुप्पियाणं अंतिए बहवे उग्गा उग्गपुत्ता भोगा जाव इब्भा इब्भपुत्ता चिच्चा हिरण्णं", एवं-धणं धन्नं बलं वाहणं १. रूहइ (क, ख, ग, घ, च)।
निग्गंध' इति पाठः समायातः । भगवत: २. कोरेंट' (क, ख, ग, घ, च, छ); द्रष्टव्यं पार्श्वस्य शासने 'श्रमण' पदस्य 'अर्हत' पदस्य ६८३ सूत्रस्य पाठः ।।
वा प्रयोगः समुपलभ्यते । ३. चडगरेणं (क, ख, ग, घ, च, छ) ।
६. एवमेयं भंते २ अवितहमेयं भंते सच्चेणं एस ४. सं० पा०-हट जाव हियए।
___अछे जण्णं तुब्भे वयह (क,ख,ग, घ,च,छ) । ५. निग्गंथाणं (क, ख, ग, घ, च, छ) । अस्य ७. औपपातिके २३ सूत्रे अतोने 'चिच्चा सुवण्णं' पाठस्य औपपातिकानुसारित्वमस्ति, तेन पाठो लभ्यते ।।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |