Page Text
________________
सूरियाभो
१३५
० महिंदज्झय-पदं
२४७. तीसे णं मणिपेढियाए उरि, एत्थ णं खुड्डुए' महिंदज्झए पण्णत्ते-सद्धिं जोयणाई उड्ढं उच्चत्तेणं, अद्धकोसं उव्वेहेणं, अद्धकोसं विक्खंभेणं, वइरामयवट्टलट्ठसंठियसुसिलिट्ठ'- परिघट्ठ-मट्ठ-सुपतिट्ठिए विसिठे अणेगवरपंचवण्णकुडभीसहस्सपरिमंडियाभिरामे वाउद्धयविजय-वेजयंतीपडागच्छत्तातिच्छत्तक लिए तुंगे गगणतलमणुलिहंतसिहरे पासादीए दरिसणिज्जे अभिरूवे° पडिरूवे ।। ० मंगलग-पदं
२४८. तस्स णं खुड्डामहिंदज्झयस्स उरि अट्ठट्ठ मंगलगा झया छत्तातिच्छत्ता ।। ० पहरणकोस-पदं
२४६. तस्स णं खुड्डामहिंदज्झयस्स पच्चत्थिमेणं, एत्थ णं सूरियाभस्स देवस्स महं एगे चोप्पाले नाम पहरणकोसे पण्णत्ते-सव्ववइरामए अच्छे जाव पडिरूवे। तत्थ णं सूरियाभस्स देवस्स फलिहरयण-खग्ग-गया-धणुप्पमुहा बहवे पहरणरयणा संनिखित्ता चिठ्ठति-उज्जला निसिया सुतिक्खधारा पासादीया दरिसणिज्जा अभिरूवा पडिरूवा ।। • मंगलग-पदं
२५०. सभाए णं सुहम्माए उवरिं अट्ठट्ठ मंगलगा झया छत्तातिच्छत्ता ॥ • सिद्धायतण-पदं
२५१. सभाए णं सुहम्माए उत्तरपुरथिमेणं, एत्थ णं महेगे सिद्धायतणे पण्णत्तेएगं जोयणसयं आयामेणं, पन्नासं जोयणाइं विक्खंभेणं, बावत्तरि जोयणाइं उड्ढं उच्चत्तेणं सभागमएणं जाव' गोमाणसियाओ, भूमिभागा उल्लोया तहेव' । ० मणिपेढिया-पदं
२५२. तस्स णं सिद्धायतणस्स बहुमज्झदेसभाए, एत्थ णं महेगा मणिपेढिया पण्णत्ता-सोलस जोयणाई आयामविक्खंभेणं, अट्र जोयणाई वाहल्लेणं ।। •जिणपडिमा-पदं
२५३. तीसे णं मणिपेढियाए उवरि, एत्थ णं महेगे देवच्छंदए पण्णत्ते-सोलस जोयणाई आयामविक्खंभेणं, साइरेगाइं सोलस जोयणाई उड्ढं उच्चत्तेणं, सव्वरयणामए अच्छे जाव पडिरूवे ॥ - २५४. तत्थ णं अट्ठसयं जिणपडिमाणं जिणुस्सेहप्पमाणमित्ताणं संनिखित्तं संचिट्ठति । तासि णं जिणपडिमाणं इमेयारूवे वण्णावासे पण्णत्ते, तं जहा-तवणिज्जमया हत्थतलपायतला, अंकामयाइं नक्खाइं अंतोलोहियक्खपडिसेगाई, कणगामईओ जंघाओ, कणगामया १. खुड्ड (क, ग)।
४. राय० सू० २०९-२३६ । २. २३१ सूत्रे 'अद्धकोस' पाठो विद्यते, अत्र तु ५. राय० सू० २४-३४ । सर्वासु प्रतिष 'जोयणं' पाठो लभ्यते । वृत्त्यनुसारेणापि अद्धकोसं' पाठो युज्यते, यथा- ७. अतः परं जीवाजीवाभिगमे (३।४१५) अत्र एष 'तस्य प्रमाणं वर्णकश्च महेन्द्रध्वजवद् पाठो विद्यते-कणगामया पादा, कणगामया वक्तव्यम्।
गोप्फा' । आनखशिखवर्णने एष उपयुक्तोस्ति । ३. सं० पा०-सुसिलिट्ठ पडिरूवे ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |