Page Text
________________
रायपसेणइयं
विउव्वंति, विउव्वित्ता समणस्स भगवओ महावीरस्स सव्वतो समंता जोयणपरिमंडलं जं किंचि 'तणं वा पत्तं वा' 'कट्ठ वा सक्करं वा असुइं अचोक्खं पूइयं दुन्भिगंधं तं सव्वं° आहणिय-आहणिय एगते एडेंति, एडित्ता खिप्पामेव उवसमंति', उवसमित्ता--दोच्चं पि वेउव्वियसमुग्घाएणं समोहणंति, समोहणित्ता अब्भवद्दलए विउव्वंति', से जहाणामएभइयदारगे सिया तरुणे जाव निउणसिप्पोवगए एगं महं दगवारगं वा 'दगथालगं वा दगकलसगं वा दगकुंभगं वा गहाय आरामं वा 'उज्जाणं वा देवउलं वा सभं वा° पवं वा अतुरिय 'मचवलमसंभंत निरंतरं सुनिउणं° सव्वतो समंता आवरिसेज्जा, एवामेव तेवि सूरियाभस्स देवस्स आभिओगिया देवा अब्भवद्दलए विउव्वंति, विउव्वित्ता खिप्पामेव पतणतणायंति', पतणतणाइत्ता खिप्पामेव विज्जुयायंति, विज्जुयाइत्ता समणस्स भगवओ महावीरस्स सव्वओ समंता जोयणपरिमंडलं णच्चोदगं णातिमट्टियं तं पविरल-फुसियं रयरेणुविणासणं दिव्वं सुरभिगंधोदगं वासं वासंति, वासेत्ता णिहयरयं णट्टरयं भट्टरयं उवसंतरयं पसंतरयं करेंति, करेत्ता खिप्पामेव उवसामंति, उवसामित्ता____ तच्चं पि वेउव्वियसमुग्घाएणं समोहण्णंति, समोहणित्ता पुप्फवद्दलए विउव्वंति, से जहाणामए–मालागारदारए सिया तरुणे जाव निउणसिप्पोवगए एगं महं 'पुप्फछज्जियं वा पुप्फपडलगं वा पुप्फचंगेरियं वा गहाय रायंगणं वा" 'रायंतेउरं वा आरामं वा उज्जाणं वा देवउलं वा सभं वा पवं वा अतुरियमचवलमसंभंतं निरंतरं सुनिउणं° सव्वतो समंता कयग्गहगहियकरयलपब्भट्ठविप्पमुक्केणं दसद्धवण्णणं कुसुमेणं पुप्फपुंजोवयारकलियं करेज्जा, एवामेव ते सूरियाभस्स देवस्स आभिओगिया देवा पुप्फवद्दलए विउव्वंति, विउव्वित्ता खिप्पामेव पतणतणायंति', 'पतणतणाइत्ता खिप्पामेव विज्जुयायंति, विज्जुयाइत्ता समणस्स भगवओ महावीरस्स सव्वओ समंता° जोयणपरिमंडलं जलयथलयभासुरप्पभूयस्स बेंटट्ठाइस्स दसद्धवण्णकुसुमस्स जण्णुस्सेहपमाणमेत्ति ओहिं" वासं वासंति, वासित्ता कालागरुपवरकंदुरुक्क"-तुरुक्क-धूव-मघमघेत-गंधुद्धयाभिरामं सुगंधवरगंधगंधियं" गंधवभितं दिव्वं सुरवराभिगमणजोग्गं करेंति य कारवेंति य करेत्ता य कारवेत्ता य खिप्पामेव उवसामंति, उवसामित्ता जेणेव समणे भगवं महावीरे तेणेव उवागच्छंति, उवागच्छित्ता समणं भगवं १. सं० पा०-पत्तं वा तहेव ।
६. पप्फुसियं (क, ख, ग, घ)। २. तृणकाष्ठादि (वृ)।
१०. पुप्फडलगं वा पुप्फचंगेरियं वा पुप्फवत्थियं वा ३. उवसमिति (च, छ); पच्चुवसमंति (वृ)। (क, ख, ग, घ, च); पुप्फपडलगं वा पुप्फ४. विउव्वंति अब्भवद्दलए विउवित्ता (क, ख, पत्थियं वा पुप्फचंगेरियं वा पुप्फछज्जियं वा ग, घ, च, छ) ।
(छ) । ५. दगवेलगं° (क, ख, ग, घ, च); दगवालगं' ११. सं० पा० रायंगणं वा जाव सव्वतो।
(छ); दगकुंभगं वा दगथालगं वा १२. पतणुतणायंति (क, ख, ग, घ, छ); दगकलसगं वा (व)।।
सं०पा०-पतणतणायंति जाव जोयणपरिमंडलं । ६. सं० पा०–आरामं वा जाव पर्व ।
१३. उव्विं (क); ओहं (च)। ७. सं० पा०-अतुरिय जाव सव्वतो। १४. कुंदरुक्क (ख, ग, घ, च)। ८. पतणुतणायंति (क, ख, ग, घ, छ)। १५. गंधवरगंधियं (च, छ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |