Page Text
________________
६०
ओवाइयं
I
घरसए° वसहिं उवेइ । से तेणट्ठेणं गोयमा ! एवं वच्चइ - अम्मडे' परिव्वायए कंपिल्लपुरे णयरे घरसए' 'आहारमाहरेइ, घरसए सहि उवेइ ॥
१२०. पहूणं भंते ! अम्मडे परिव्वायए देवाणुप्पियाणं अंतियं मुंडे भवित्ता अगाराओ अणगारियं पव्वइत्तए ? णो इणट्ठे समट्ठे । गोयमा ! अम्मडे णं परिव्वायए समणोवासए अभिगयजीवाजीवे' 'उवलद्धपुण्णपावे आसव-संवर-निज्जर-किरिया गरण-बंध- मोक्खकुसले असहेज्जदेवासुरणाग सुवण्ण-जक्ख- रक्खस- किन्नर - किंपुरिस- गरुल' - गंधव्त्र-महोरगाइएहिं निग्गंथाओ पावयणाओ अणइक्कमणिज्जे इणमो निग्गंथे पावणे णिस्सकिए णिक्कखिए निव्विति गच्छे लट्ठे गहियट्ठे पुच्छियट्ठे अभिगयट्ठे विणिच्छियट्ठे अट्ठिमिजपेमाणुरागरत्ते 'अयमाउसो ! निग्गंथे" पावयणे अट्ठे अयं परमट्ठे सेसे अणट्ठे चउद्दसअट्ठमुद्दिट्ठपुण्णमासिणीसु पडिपुण्णं पोसहं अणुपालेमाणे समणे निग्गंथे फासुएस णिज्जेणं असण-पाण-खाइम- साइमेणं वत्थ-पडिग्गह- कंवल- पायपुच्छणेणं ओसहभंसज्जेणं पाडिहा - रिएणं पीढफलगसेज्जा- संथारएणं पडिलाभेमाणे सीलव्वय-गुण- वेरमण-पच्चक्खाण-पोसहोववासेहिं अहापरिग्गहिएहिं तवोकम्मे हिं' अप्पाणं भावेमाणे विहरइ ॥
१२१. अम्मडस्स णं परिव्वायगस्स थूलए पाणाइवाए पच्चक्खाए जावज्जीवाए ' • मुसावाए अदिण्णादाणे पच्चक्खाए जावज्जीवाए सव्वे मेहुणे पच्चक्खाए जावज्जीवाए थूलए परिग्गहे पच्चवखाए जावज्जीवाए ||
१२२. अम्मडस्स णं परिव्वायगस्स णो कप्पइ अक्खसोयप्पमाणमेत्तंपि जलं सयराहं उत्तरित्तए, णण्णत्थ अद्धाणगमणेणं ॥
१२३. अम्मडस्स णं परिव्वायगस्स णो कप्पइ सगडं वा" "रहं वा जाणं वा जुग्गं वा गिल्लि वा थिल्लि वा पवहणं वा सीयं वा संदमाणियं वा दुरुहित्ताणं गच्छित्तए ॥
१२४. अम्मडस्स णं परिव्वायगस्स णो कप्पर आसं वा हत्थिं वा उट्टं वागणं वा महिसं वा खरं दुरुहित्ताणं गमित्तए, णण्णत्थ बलाभिओगेणं ॥
१२५. अम्मडस्स णं परिव्वायगस्स णो कप्पइ नडपेच्छाइ वा णट्टगपेच्छाइ वा जल्लपेच्छाइ वा मल्लपेच्छाइ वा मुट्ठियपेच्छाइ वा वेलंबगपेच्छाइ वा पवगपेच्छाइ वा कहगपेच्छाइ वा लासगपेच्छाइ वा आइक्खगपेच्छाइ वा लंखपेच्छाइ वा मंखपेच्छाइ वा तूणइल्लपेच्छाइ वा तुंववीणियपेच्छाइ वा भुयगपेच्छाइ वा मागहपेच्छाइ वा पेच्छित्तए । १२६. अम्मडस्स णं परिव्वायगस्स णो कप्पर हरियाणं लेसणया वा घट्टणया वा भणया वा लूसणया वा उप्पाडणया वा करित्तए ।
१. क्वचित् 'अम्बडे' दृश्यते तदयुक्तम् (वृ) । २. सं० पा० – घरसए जाव वसहि । ३. सं० पा० - अभिगयजीवाजीवे जाव अप्पाणं भावेमाणे विहरइ, पवरं ऊसिफलि अदुवा चियत्तंतेउरघरदारपवेसी
( क्वचित् 'चियत्तघरं ते उरपवेसी' ति - वृ) एयं ण वुच्चइ ।
Jain Education International
४. क्वचित् 'गरुडे' त्ति नाधीयते ( वृ ) ।
५. क्वचित् 'इमो निग्गंथे ' इति दृश्यते ( वृ) | ६. सं० पा०-- जावज्जीवाए जाव परिग्गहे णवरं सव्वे मेहुणे पच्चक्खाए जावज्जीवाए । ७. सं० पा० – सगडं वा तं चैव भाणियव्वं जाव roणत्थ एक्काए गंगा मट्टियाए ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |