Page Text
________________
३०
ओवाइयं
संघाणं दिव्वेणं संठाणेणं दिव्वाए इड्ढीए' दिव्वाए जुईए' दिव्वाए पभाए दिव्वाए छायाए दिव्वा अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा समणस्स भगवओ महावीरस्स अंतियं आगम्मागम्म रत्ता समणं भगवं महावीरं तिक्खुत्तो 'आयाहिण-पयाहिणं" करेंति", करेत्ता वंदंति, णमंसंति, वंदित्ता णमंसित्ता' 'णच्चास णाइदूरे" सुस्सूसमाणा णमंसमाणा अभिमुहा विणएणं पंजलिउडा पज्जुवासंति ।।
४८. तेणं कालेणं तेणं समएणं समणस्स भगवओ महावीरस्स बहवे असुरिंदवज्जिया भवणवासी देवा अंतियं पाउब्भवित्था
णागपइणो सुवण्णा, विज्जू अग्गीया दीवा । उदही दिसाकुमारा य, पवणथणिया य भवणवासी ॥ १ ॥ णागफडा-गरुल-वइर-‘पुण्णकलस-सीह" - हयवर- 'गयंक-मयरंकवर " मउड-वद्धमाण- णिज्जुत्तविचित्त-विधगया सुरूवा महिड्डिया जाव' पज्जुवासंति ॥
वाणमंतर - वण्णग-पदं
४६. तेणं कालेणं तेणं समएणं समणस्स भगवओ महावीरस्स वहवे वाणमंतरा देवा अंतियं पाउ भवित्था -- पिसायभूया" य जक्ख- रक्खस किण्णर- किंपुरिस-भुयग-पइणो य महाकाया गंधव्वणि कायगणा" णिउणगंधव्वगीयरइणो अणवण्णिय पणवण्णिय-इसिवादिय-भूयवादिय"- कंदिय - महाकंदिया य कुहंड- पययदेवा चंचल-चवल-चित्त- कीलण दवप्पिया 'गंभीरहसिय- भणिय - पिय-गीय णच्चणरई" वणमाला मेल-मउड-कुंडल सच्छंद विउब्वियाहरणचारुविभूसणधरा सब्वोउयसुरभि - कुसुम-सुरइयपलंव-सोभंत-कंत-वियसंत-चित्तवणमाल-रइयवच्छा कामगमा कामरूवधारी णाणाविहवण्णराग-वरवत्थ-चित्तचिल्लय - नियंसणा विविह देसीणेवच्छ-गहियवेसा पमुइय-कंदप्प-कलह-केली-कोलाहलप्पिया हासबोलबहुला * अणेगमणि-रयण- विविह- णिज्जुत्त-चित्त"- चिधगया सुरूवा महिड्ढया जाव" पज्जुवासंति ।। जोइसिय-वण्णग-पदं
५०. तेणं कालेणं तेणं समएणं समणस्स भगवओ महावीरस्स ( बहवे ? ) जोइसिया देवा अंतियं पाउन्भवित्था - विहस्सती चंदसूरसुक्कसणिच्छरा राहू धूमकेतुबुहा य अंगारका
१. रिद्धीए ( वृ) ।
२. जुत्तीए (क, ग ) ।
३. आयाहिणं पयाहिणं ( ख ) ।
६. ओ० सू० ४७ ।
१०. पिसायाभूया ( ग ) ।
११. गंधव्वाणिकायगया ( क, ख ) ; गंधव्वपइगणा ( वृपा ) ।
४. करेइ (क, ख )
५. वाचनान्तरे दृश्यन्ते – साई साई नामगोयाई १२. भूयवादी य ( क ) ।
Jain Education International
साविति (वृ ) |
६. णच्चासण्णा णाइदूरा ( क ) ।
(वृ) ।
७. इह सूत्रं ‘पुण्णकलससंकिण्णउप्फेससीहे' त्येवं १४. हासकेलिबहुला (वृपा) ।
क्वचिद्विशेषो दृश्यतो ( वृ) ।
१५. चित्राणि चिह्नानि ( वृ ) । १६. ओ० सू० ४७ ।
८. गयकमलायर मयंकवर ( ख ) ।
१३. गहिरहसियगीयणच्चणरइ त्ति क्वचिद् दृश्यते
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |