________________
नायाधम्मकहाऔ पुवं फरुसं गिरं सोच्चा निसम्म इमेणं एयारूवेणं मणोमाणसिएणं महया पुत्तदुक्खेणं अभिभूया समाणी सेयागयरोमकूवपगलंत-चिलिणगाया' सोयभरपवेवियंगी नित्तेया दीण-विमण-वयणा करयलमलिय व्व कमलमाला तक्खणग्रोलुग्गदुब्बलसरीर-लावण्णसुन्न-निच्छाय-गयसिरीया पसिढिलभूसण-पडतखुम्मियसंचुण्णियधवलवलय-पब्भट्ठउत्तरिज्जा सूमाल -विकिण्ण-केसहत्था मुच्छावसनढचेय-गरुई परसुनियत्त व्व चंपगलया निव्वत्तमहे व्व इंदलट्ठी विमुक्क
संधिबंधणा कोट्टिमतलंसि सव्वंगेहिं धसत्ति पडिया ॥ धारिणीए मेहस्स य परिसंवाद-पदं १०६. तए णं सा धारिणी देवी ससंभमोवत्तियाए तुरियं कंचणभिंगारमुहविणिग्गय
सीयलजलविमलधाराए परिसिंचमाण -निव्वावियगायलट्ठी उक्खेवय-तालविंटवीयणग-जणियवाएणं सफुसिएणं अंतेउर-परिजणेणं प्रासासिया समाणी मुत्तावलि-सन्निगास-पवडत"-अंसुधाराहि सिंचमाणी पोहरे, कलुण-विमण-दीणा रोयमाणी कंदमाणी तिप्पमाणी सोयमाणी विलवमाणी मेहं कुमारं एवं वयासीतुमं सि णं जाया ! अम्हं एगे पुत्ते इ8 कंते पिए मणुण्णे मणामे थेज्जे" वेसासिए सम्मए बहुमए अणुमए भंडकरंडगसमाणे रयणे रयणभूए जीविय-उस्सासिए 'हियय-णंदि-जणणे १३ 'उंबरपुप्फ व दुल्लहे सवणयाए, किमंगपुण पासणयाए ? नो खलु जाया ! अम्हे इच्छामो खणमवि विप्पयोगं सहित्तए । तं भंजाहि ताव जाया ! विपुले माणुस्सए कामभोगे जाव ताव वयं जीवामो । तग्रो पच्छा अम्हेहि कालगएहि परिणयवए वड्ढिय-कुलवंसतंतु-कज्जम्मि निरावयवखे५ समणस्स भगवनो महावीरस्स अंतिए मुंडे भवित्ता अगाराग्यो अणगारियं पव्वइस्ससि ॥
१. परुसं (क)। २. विलीण ° (क, ख, ग, घ)। ३. ° खुण्णिय ° (भ० ६।१६८) । ४. सुकुमाल (क, घ)। ५. गुरुइ (ख)। ६. व (ख)। ७. परिसिंचमाणा (घ)। ८. उक्खे वण (क, ख)। ६. परियणेणं (ख, ग, घ)। १०. पडत (क)।
११. धिज्जे (ग); धेज्जे (घ); पेज्जे (ओ०
सू० ११७)। १२. ° उस्सासए (क, ख, ग); वाचनान्तरे----
जीविउस्सविए (व)। १३. हिययाणंदजणणे (क, ख, व); एकस्यां हस्त
लिखितवत्तावपि 'हदयनंदिजननः' इति
लिखितमस्ति । १४. °पुप्फमिव (ख)। १५. निरवयक्खे (घ)।
For Private & Personal Use Only
Jain Education International
www.jainelibrary.org
