________________
नवमं अज्झयणं (देवदत्ता)
७६७ मिति कट्ट रोयमाणीग्रो कंदमाणीयो विलवमाणीयो जेणेव पूसनंदी राया तेणेव उवागच्छंति, उवागच्छित्ता पूसनंदि रायं एवं वयासी-एवं खलु सामी !
सिरी देवी देवदत्ताए देवीए अकाले चेव जीवियाओ ववरोविया ॥ ५६. तए णं से पूसनंदी राया तासि दासचेडीणं अंतिए एयमढे सोच्चा निसम्म महया
माइसोएणं अप्फुण्णे' समाणे परसुनियत्ते विव चंपगवरपायवे धस त्ति धरणीय
लंसि सव्वंगेहि संनिवडिए॥ ५७. तए णं से पूसनंदी राया मुहुत्तंतरेण पासत्थे समाणे बहूहिं राईसर- तलवर
माडंबिय-कोडुबिय-इब्भ-सेटि-सेणावइ° -सत्थवाहेहिं मित्त'- नाइ-नियग-सयणसंबंधि-परियणेण य सद्धि रोयमाणे कंदमाणे विलवमाणे सिरीए देवीए महया इड्डीए नीहरणं करेइ, करेत्ता आसुरुत्ते रुटे कुविए चंडिक्किए मिसिमिसेमाणे
देवदत्तं देवि पुरिसेहिं गिण्हावेइ, एएणं' विहाणेणं वझं आणवेइ॥ ५८. तं एवं खलु गोयमा ! देवदत्ता देवी पुरा पोराणाण' 'दुच्चिण्णाणं दुप्पडिक्कं
ताणं असुभाणं पावाणं कडाणं कम्माणं पावगं फलवित्तिविसेसं पच्चणुभवमाणी'
विहरइ ।। देवदत्ताए अागामिभव-वण्णग-पदं ५६. देवदत्ता णं भंते ! देवी इयो कालमासे कालं किच्चा कहिं गमिहिइ ? कहि
उववज्जिहिइ ? गोयमा ! असीइं वासाई परमाउं पालइत्ता कालमासे कालं किच्चा इमीसे रयणप्पभाए पुढवीए नेरइएसु नेरइयत्ताए उववज्जिहिइ। संसारो [तहेव जाव" ? ] वणस्सई। तो अणंतरं उव्वट्टित्ता गंगपुरे नयरे हंसत्ताए पच्चायाहिइ। से णं तत्थ साउणिएहि वहिए समाणे तत्थेव गंगपुरे नयरे सेट्टिकुलसि उववज्जि ,
हिइ । बोही । सोहम्मे । महाविदेहे वासे सिज्झिहिइ ।। निक्खेव-पदं ६०. एवं खलु जंबू ! समणेणं भगवया महावीरेणं जाव' संपत्तेणं दुहविवागाणं नवमस्स अज्झयणस्स अयमढे पण्णत्ते।
–त्ति बेमि ॥
१. अप्पुण्णे णं (क)। २. स० पा०-राईसर जाव सत्थवाहेहि । ३. सं० पा०-मित्त जाव परियणेण । ४. ततेणं (ख, घ); तेणं (क्व)। ५. सं० पा०-पोराणाणं जाव विहर।।
६. उववण्णे (क, ख, ग, घ)। ७. वि० ११११७०। ८. सं० पा०-निक्खेवो। ६. ना० ११११७ ।
Jain Education International
For Private & Personal Use Only
www.jainelibrary.org
