Page Text
________________
छट्ठ अज्झयणं (नंदिवद्धणे)
७७१ अप्पेगइयाणं निलाडेसु य अवसु य कोप्परेसु य जाणू सु य खलुएसु य लोहकीलए य कडसक्करानो य दवावेइ अलिए भंजावेइ। अप्पेगइए सूईयो य डंभणाणि' य हत्थंगुलियासु य पायंगुलियासु य कोट्टिल्लएहिं पाउडावेइ, पाउडावेत्ता भूमि कंडुयावेइ। अप्पेगइए सत्थेहि य अप्पेगइए पिप्पलेहि य अप्पेगइए कुहाडेहि य अप्पेगइए° नहच्छेयणेहि य अंग पच्छावेइ, दबभेहि य कुसेहि य उल्लवद्धेहि य वेढावेइ,
प्रायवंसि दलयइ, दलइत्ता सुक्के समाणे चडचडस्स उप्पाडेइ ॥ २४. तए णं से दुज्जोहणे चारगपाले एयकम्मे एयप्पहाणे एयविज्जे एयसमायारे
सुबहुं पावकम्मं समज्जिणित्ता एगतीसं वाससयाइं परमाउं पालइत्ता कालमासे कालं किच्चा छट्ठोए पुढवीए उक्कोसेणं बावीससागरोवमठिइएसु नेरइएसु
नेरइयत्ताए उववण्णे ॥ नंदिवद्धणस्स वत्तमाणभव-वण्णग-पदं २५. से णं तो अणंतरं उव्वट्टित्ता इहेव महुराए नयरीए सिरिदामस्स रण्णो बंधु
सिरीए देवीए कुच्छिसि पुत्तताए उववण्णे ॥ २६. तए णं बंधुसिरी नवण्हं मासाणं बहुपडिपुण्णाणं जाव' दारगं पयाया। २७. तए णं तस्स दारगस्स अम्मापियरो निव्वत्तबारसाहे इमं एयारूवं नामधेज्ज
करेंति होउ णं अम्हं दारगे नंदिवद्धणे" नामेणं ॥
१. दलावेइ (क)। २. अल (क); अलए (घ)। ३. दंभणाणि (क, घ)। ४. कड्यावेइ (ख, ग)। ५. सं० पा० -सत्थेहि य जाव नहच्छेयणेहि । ६. उल्लवज्झेहि (क); उल्लदब्भेहि (ख); ।
उलदज्झेहि (घ); ओल्लबद्धेहि (क्व)। ७. पावं (क)। ८. पुमत्ताए (क)। ६. प्रो० सू० १४३ । १०. नंदिसेणे (क, ख, ग, घ); प्रस्तुतागमस्य
प्रथमाध्ययनस्य सप्तमे सूत्रे 'नंदी' इति पदमस्ति । वृत्तिकृतात्र 'नंदिवर्द्धन' इति नाम सूचितम् –'नंदी' त्ति सूत्रत्वादेव नंदिवर्द्धनो राजकुमार; (वृ)। प्रस्तुताध्ययनस्य द्वितीये
सूत्रे 'पुत्ते नंदिवद्धणे कुमारे' इति पाठोस्ति । अध्ययनपरिसमाप्तौ च वृत्तिकृता पुनरस्यैव नाम्नः उल्लेखः कृतोस्ति-षष्ठाध्ययनविवरणं नंदिवर्द्धनस्याधिकारो हि समाप्तः (वृ)। किंतु अस्याध्ययनस्य सप्तविंशतितमसूत्रादारभ्य मूलपाठे सर्वत्र 'नंदिसेण' नाम्नः उल्लेखोस्ति । स्थानाङ्गसूत्रे (१०।१११) 'नंदिसेण' नाम्नः उल्लेखोस्ति । द्वयोरप्यागमयोवृत्तिकारः अभयदेवसूरिरस्ति । वृत्तिकारस्याभिमतेन प्रस्तुतसूत्रे 'नंदिवर्द्धनः' इति नामवास्ति'नंदिसेणे य' ति मथुरायां श्रीदामराजसुतो नदिसेणो युवराजो विपाकश्रुते च नंदिवर्द्धनः श्रूयते (स्थानाङ्गवृत्ति) स्थानाङ्गप्रसिद्धस्य 'नदिसेण' नाम्नः प्रस्तुतसूत्रे समावेशो जातः । अतएव नाम्नोमिश्रणमत्र परिलक्ष्यते ।
Jain Education International
For Private & Personal Use Only
www.jainelibrary.org
| SR No. | 003553 |
| Book Title | Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 922 |
| Language | Prakrit |
| Classification | Book_Devnagari, Agam, & Canon |
| File Size | 15 MB |