________________
तइयं अज्झयणं (अभग्गसेणे)
गच्छह णं तुब्भे देवाणुप्पिया! विउलं असणं पाणं खाइमं साइमं उवक्खडावेह, उवक्खडावेत्ता तं विउलं असणं पाणं खाइमं साइमं सुरं च महुं च मेरगं च जाइं च सीधं च पसण्णं च सुबहुं पुप्फ-वत्थ-गंध-मल्लालंकारं च अभग्गसेणस्स
चोरसेणावइस्स कूडागारसालाए उवणेह ।। ५६. तए णं ते कोडुबियपुरिसा करयल' परिग्गहियं सिरसावत्तं मत्थए अंजलि
कट्ट° जाव' उवणेति ॥ ६०. तए णं से अभग्गसेणे चोरसेणावई बहूहि मित्त'- नाइ-नियग-सयण-संबंधि
परियणेहिं ° सद्धि संपरिवुडे पहाए जाव' सव्वालंकारविभूसिए तं विउलं असणं पाणं खाइमं साइमं सुरं च महुं च मेरगं च जाइं च सीधं च पसण्णं च आसाए
माणे वीसाएमाणे परिभाएमाणे परिभंजेमाणे पमत्ते विहरइ ॥ ६१. तए णं से महब्बले राया कोडंबियपुरिसे सद्दावेइ, सद्दावेत्ता एवं वयासी-गच्छह
णं तुब्भे" देवाणुप्पिया ! पुरिमतालस्स नयरस्स दुवाराइं पिहेह, पिहेत्ता
अभग्गसेणं चोरसेणावई जीवग्गाहं गिण्हह, गिण्हित्ता ममं उवणेह । ६२. तए णं ते कोडुंबियपुरिसा करयल परिग्गहियं सिरसावत्तं मत्थए अंजलि कट्ट
एवं सामि ! त्ति आणाए विणएणं वयणं ° पडिसुणेति, पडिसुणेत्ता पुरिमतालस्स नयरस्स दुवाराइं पिहेंति, अभग्गसेणं चोरसेणावइं जीवग्गाहं गिण्हति, गिण्हित्ता
महब्बलस्स रण्णो उवणेति ।। ६३. तए णं से महब्बले राया अभग्गसेणं चोरसेणावइं एएणं विहाणेणं वज्झं प्राणवेडा ६४. एवं खलु गोयमा ! अभग्गसेणे चोरसेणावई पुरा पोराणाणं 'दुच्चिण्णाणं
दुप्पडिक्कंताणं असुभाणं पावाणं कडाणं कम्माणं पावगं फलवित्तिविसेसं
पच्चणुभवमाणे ° विहरइ ।। अभग्गसेणस्स आगामिभव-वण्णग-पदं ६५. अभग्गसेणे णं भंते ! चोरसेणावई कालमासे कालं किच्चा कहिं गच्छिहिइ ?
कहिं उववज्जिहिइ ? गोयमा ! अभग्गसेणे चोरसेणावई सत्ततीसं वासाइं परमाउं पालइत्ता अज्जेव तिभागावसेसे दिवसे सूलभिण्णे कए समाणे कालमासे कालं किच्चा इमीसे रयणप्पभाए पुढवीए उक्कोस सागरोवमट्ठिइएसु नेरइएसु नेरइयत्ताए ° उववज्जिहिइ।
१. सं० पा०--करयल ° । २. वि०१।३।५८ । ३. सं० पा०-मित्त । ४. वि० १३।५५ ।
५. तुमं (ग)। ६. सं० पा०-करयल जाव पडिसुणेति । ७. सं० पा०-पोराणाणं जाव विहरइ । ८. सं० पा०-उक्कोस नेरइएसु ।
Jain Education International
For Private & Personal Use Only
www.jainelibrary.org
