________________
तइयं अज्झयणं
अभग्गसेणे उक्खेव-पदं १. "जइ णं भंते ! समणेणं भगवया महावीरेणं जाव' संपत्तेणं दुहविवागाणं
दोच्चस्स अज्झयणस्स अयमढे पण्णत्ते, तच्चस्स णं भंते ! अज्झयणस्स समणेणं
भगवया महावीरेणं के अटे पण्णत्ते ? २. तए णं से सुहम्मे अणगारे जंबू-अणगारं एवं वयासी–एवं खलु जंबू ! तेणं ___कालेणं तेणं समएणं पुरिमताले नामं नयरे होत्था-रिद्धस्थिमियसमिद्धे । ३. तस्स णं पुरिमतालस्स नय रस्स उत्तरपुरस्थिमे दिसीभाए, एत्थ णं अमोहदंसी
उज्जाणे ॥ ४. तत्थ णं अमोहदंसिस्स जक्खस्स प्राययणे होत्था ॥ ५. तत्थ णं पुरिमताले नयरे महब्बले नाम राया होत्था ॥ ६. तस्स णं पुरिमतालस्स नयरस्स उत्तरपुरत्थिमे दिसीभाए देसप्पंते अडवि-संसिया,
एत्थ णं सालाडवी नामं चोरपल्ली होत्था-विसमगिरिकंदर-कोलंब-संनिविट्ठा वंसीकलंक-पागारपरिक्खित्ता छिण्णसेल-विसमप्पवाय-फरिहोवगूढा अभितरपाणीया सुदुल्लभजलपेरंता अणेगखंडी विदियजणदिन्न-निग्गमप्पवेसा सुबहुस्स'
वि कुवियजणस्स दुप्पहंसा यावि होत्था । ७. तत्थ णं सालाडवीए चोरपल्लीए विजए नामं चोरसेणावई परिवसइ-अहम्मिए"
अहम्मिट्र ग्रहम्मक्खाईअधम्माणए अधम्मपलाइ अधम्मपलज्जण अधम्मसीलसमुदायारे अधम्मेण चेव वित्ति कप्पेमाणे विहरइ-हण-छिद-भिंद-वियत्तए°
१. सं० पा०-तच्चस्स उक्खेवो। २. ना० ११११७। ३. पू०-ओ० सू० १।
४. सुबहुयस्स (क)। ५. सं० पा०-अहम्मिए जाव लोहियपाणी।
७४४
Jain Education International
For Private & Personal Use Only
www.jainelibrary.org
