________________
बी अभय (उज्झियए)
૭૪૨
जाए-जाए वाणरपेल्लए वहेइ । तं एयकम्मे एयप्पहाणे एयविज्जे एयसमायारे' कालमासे कालं किच्चा इहेव जंबुद्दीवे दीवे भारहे वासे इंदपुरे नयरे गणियाकुलसि पुत्तत्ता पच्चायाहिइ ||
६६. तए णं तं दारयं सम्मापियरो जायमेत्तकं वद्धेहिति', नपुंसकम्मं सिक्खावेहिति ॥
७०. तए णं तस्स दारयस्स सम्मापियरो निव्वत्तबारसाहस्स इमं एयारूवं नामधेज्जं करेहिति - होउ णं म्हं इमे दारए पियसेणे नामं नपुंसए ||
७१. तए णं से पियसेणे नपुंसए उम्मुक्कबालभावे विष्णयपरिणमेत्ते जोव्वणगमणुपत्ते रूवेण य जोब्वणेण य लावण्णेण य उक्किट्ठे उक्किदुसरीरे भविस्सइ ||
७२. तए णं से पियसेणे नपुंसए इंदपुरे नयरे बहवे राईसर- "तलवर - माडंबिय - कोडुंबिय इब्भ-सेट्ठि- सेणावइ- सत्थवाह' पभियत्रो बहूहि य विज्जापओगेहि य मंतपग्रोगेहिय चुण्णपप्रोगेहिय हियउड्डावणेहिय निण्हवणेहि य पण्हवणेहि य वसीकरणेहि य आभियोगिएहिं ग्राभियोगित्ता उरालाई माणुस्सगाई भोग भोगाई भुंजमाणे विहरिस्सइ ॥
७३. तए णं से पियसेणे नपुंसए एयकम्मे एयप्पहाणे एयविज्जे एयसमायारे सुबहु पावकम्मं समज्जिणित्ता एक्कवीसं वासस्यं परमाउं पालइत्ता कालमासे कालं किच्चा इमीसे रयणप्पभाए पुढवीए नेरइएसु नेरइयत्ताए उववज्जिहिइ । ततो सिरीसिवेसु, संसारो तहेव जहा पढमे जाव' वाउ-तेउ आउ - पुढवीसु प्रणेगसयस हस्सखुत्तो उद्दाइत्ता- उद्दाइत्तातत्थेव भुज्जो - भुज्जो पच्चायाइस्सइ । • से णं तत्रो अणंतरं उब्वट्टित्ता इहेव जंबुद्दीवे दीवे भारहे वासे चंपाए नयरीए महिसत्ताए पच्चायाहिइ ।
से णं तत्थ अण्णया कयाइ गोल्लिएहिं जीविया ववरोविए समाणे तत्थेव चंपाए नयरीए सेट्ठिकुलंसि पुत्तत्ताए ' पच्चायाहिइ ।
से णं तत्थ उम्मुक्कबालभावे तहारूवाणं थेराणं अंतिए केवलं बोहि बुज्झिहिइ, अणगारे भविस्सर, सोहम्मे कप्पे, जहा पढमे जाव अंतं काहि || निक्खेव पदं
७४. “एवं खलु जंबू ! समणेणं भगवया महावीरेणं जाव' संपत्तेणं दुहविवागाणं बिइयस्स अज्झयणस्स प्रयमट्ठे पण्णत्ते । -त्ति बेमि° ॥
१. एयसमुदाचारे (वृ) ।
२. मत्ताए ( क ग ) ।
३. वड्ढे हिंति ( क ) ।
४. सं० पा० - राईसर जाव पभियओ ।
५. वि० १ १ ७० सं० पा० - जाव पुढवी ।
Jain Education International
६. पुमत्ताए ( क ग ) 1
७. वि० १।१।७० ।
८. सं० पा०- निक्खेवो ।
६. ना० १।१७ ।
For Private & Personal Use Only
www.jainelibrary.org
