________________
बीयं अभयण ( उज्झियए)
७३५
o
पावगं फलवित्तिविसेसं पच्चणुभवमाणे विहरइ । न मे दिट्ठा नरगा वा नेरइया वा । पच्चक्खं खलु अयं पुरिसे निरयपडिरूवियं वेयणं वेएइ त्ति कट्टु वाणियगामे नयरे उच्च-नीय मज्झिम-कुलाई अडमाणे ग्रहापज्जत्तं समुदाणं गिण्हइ, गहित्ता वाणियगामे नयरे मज्भंमज्भेणं' पडिनिक्खमइ, प्रतुरियमचवलमसंभंते जुगंतरपलोयणाए दिट्ठीए पुरोरियं सोहेमाणे- सोहेमाणे जेणेव दूइपलासए उज्जाणे जेणेव समणे भगवं महावीरे तेणेव उवागच्छइ, उवागच्छित्ता समणस्स भगवो महावीरस्स दूरसामंते गमणागमणाए पडिक्कमइ, पडिक्कमित्ता एसणमणेसणं आलोएइ, आलोएत्ता भत्तपाणं पडिदंसेइ, पडिदंसेत्ता समणं भगवं महावीरं वंदइ नमसइ, वंदित्ता नमसित्ता एवं वयासी एवं खलु ग्रहं भंते ! तुब्भेहि भगुणाए समाणे वाणियगामे नयरे जाव' तहेव सव्वं निवेइ' ।। १६. से णं भंते ! पुरिसे पुव्वभवे के ग्रासि ? किं नामए वा किं गोत्ते वा ? करंसि गामंसि वा नयरंसि वा ? किं वा दच्चा किं वा भोच्चा किं वा समायरित्ता, केसि वा पुरा पोराणाणं दुच्चिण्णाणं दुष्पडिक्कंताणं सुभाणं पावाणं कडाणं कम्माणं पावगं फलवित्तिविसेसं पच्चणुभवमाणे विहरइ ?
उभययस्स गोत्तासभव-वण्णग-पदं
१७. एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे' वासे हत्थिणाउरे नाम नयरे होत्था - रिद्धत्थिमियसमिद्धे ॥
१८. तत्थ णं हत्थिणाउरे नयरे सुनंदे नामं राया होत्था - महयाहिमवंत-महंत मलयमंदर-महिंदसारे ॥
१६. तत्थ णं हत्थिणाउरे नयरे बहुमज्झदेसभाए, एत्थ णं महं एगे गोमंडवे होत्थाअगखंभसयसंनिविट्ठे पासाईए दरिसणिज्जे अभिरूवे पडिरूवे ||
२०. तत्थ णं बहवे नगरगोरुवा सणाहा य प्रणाहा य 'नगरगावीओ य नगरबलीवद्दा य नगरवसभा य पउरतण- पाणिया निब्भया निरुव्विग्गा
य नगरपड्डिया सुहंसुणं परिवसति ॥
२१. तत्थ णं हत्थिणाउरे नयरे भीमे नामं कूडग्गाहे होत्था - ग्रहम्मिए जाव " पाणंदे ||
१. स० पा० - मज्भंमज्भेणं जाव पडिदंसेइ ।
२. वि० १।२।१३-१५ ।
३. वेएइ (क, ख, ग ) ।
४. सं० पा० - आसि जाव पच्चणुभवमाणे । ५. पू० - वि० १ १ ४३ ।
६. भरहे (क) ।
Jain Education International
७. पू० - प्रो० सू० १ ।
८. पू० - ओ० सू० १४ ।
६. नगरबलद्दा य नगरपडियाओ य महिसिओ य
यवसभाण ( ग ) ।
१०. वि० १ १ ४७ ।
For Private & Personal Use Only
www.jainelibrary.org
