________________
पढमं अयणं (मियापुत्ते)
७२६
हुंडे य वायव्वे । नत्थि णं तस्स दारगस्स हत्था वा पाया वा कण्णा वा अच्छी वा नासा वा । केवलं से तेसि अंगोवंगाणं आगिती • प्रागितिमेत्ते । तणं सामियादेवी तं दारगं हुई अंधारूवं पासइ, पासिता भीया तत्था सिया उब्विगा संजायभया ममं सद्दावेइ, सद्दावेत्ता एवं वयासी - गच्छहणं तुमं देवाणुप्पिया ! एयं दारगं एगंते उक्कुरुडियाए उज्झाहि । तं संदिसह णं सामी ! तं दारगं ग्रहं एगंते उज्झामि उदाहु मा ।। ६७. तए णं से विजए खत्तिए तीसे ग्रम्मधाईए प्रति एयमट्ठे सोच्चा तहेव संभ उट्ठाए उट्ठेइ, उट्ठेत्ता जेणेव मियादेवी तेणेव उवागच्छइ, उवागच्छित्ता मियं देवि एवं वयासी - देवाणुप्पिए ! तुब्भं 'पढमे गव्भे" । तं जइ णं तुमं एवं एगंते उक्कुरुडियाए उज्झसि, तो णं तुब्भं पया नो थिरा भविस्सइ, तो गं तुमं एयं दारगं रहस्सियगंसि भूमिघरंसि रहस्सिएणं भत्तपाणेण पडिजागरमाणीडिजागरमाणी विहराहि, तो णं तुब्भं पया 'थिरा भविस्स" ।। ६८. तए णं सा मियादेवी विजयस्स खत्तियस्स तह त्ति एयमटुं विणएणं पडिसुणेइ, पडित्ता तं दारगं रहस्तियंसि भूमिघरंसि रहस्सिएणं भत्तपाणेणं पडिजागराणी- पडिजागरमाणी विहरइ ॥
६६. एवं खलु गोथमा ! मियापुत्ते दारए पुरा पोराणाणं' दुच्चिण्णाणं दुप्प डिक्कंताणं सुभाणं पावाणं कडाणं कम्माणं पावगं फलवित्तिविसेसं पच्चणुभवमाणे विहरइ ॥
मियापुत्तस्स आगामिभव-वण्णग-पदं
७०. मियापुत्ते णं भंते ! दारए इम्रो कालमासे कालं किच्चा कहि गमिहिइ ? कहि उववज्जिहिइ ?
गोयमा ! मियापुत्ते दारए छव्वीसं वासाई परमाउं पालइत्ता कालमासे काल किच्चा इहेव जंबुद्दीवे दीवे भारहे वासे वेयड्डगिरिपायमूले सीहकुलंसि सीहत्ता पच्चायाहि' ।
सेणं तत्थ सीहे भविस्सइ - ग्रहम्मिए साहसिए सुबहु पाव' कम्मं कलिकलुस
१. उक्क रुडिया (घ ) ।
२. पढमगब्भे (क, ख, ग ) ; पढमं गब्भे (क्व ) 1 ३. नो प्रथिरा भविस्संति ( क, ख ) ।
४. सं० पा० - पोराणाणं जाव पच्चणुभव
माणे । ५. इहं ( क ) ।
Jain Education International
बहुनगरनिग्गयजसे सूरे दढप्पहारी समज्जिणइ, समज्जिणित्ता कालमा से
o
o
६. पाहिति ( क ) ।
७. सं० पा० - प्रहम्मिए । जाव साहस्सिए । सिंहवर्णनत्वात् 'अहम्मिट्टे अहम्मत्रखाई' इत्यादिनि विशेषणानि अन्यत्रोक्तान्यपि
इह न घटन्ते ।
८. सं० पा-पावं जाव समज्जिणइ |
For Private & Personal Use Only
www.jainelibrary.org
