________________
७२८
विवागसुयं
पाडणाहि य गालणाहि य मारणाहि य साडित्तए वा पाडित्तए वा गालित्तए वा मारित्तए वा-एवं संपेहेइ, संपेहेत्ता बहूणि खाराणि य कडुयाणि य तूवराणि य गब्भसाडणाणि य पाडणाणि य गालणाणि य मारणाणि य खायमाणी य पियमाणी' य इच्छइ तं गब्भं साडित्तए वा पाडित्तए वा गालित्तए वा मारित्तए वा, नो चेव णं से गब्भे सडइ वा पडइ वा गलइ वा
मरइ वा॥ ६१. तए णं सा मियादेवी जाहे नो संचाएइ तं गब्भं साडित्तए वा पाडित्तए वा
गालित्तए वा मारित्तए वा ताहे संता तंता परितंता प्रकामिया असयंवसा तं
गब्भं दुहंदुहेणं परिवहइ ।। ६२. तस्स ण दारगस्स गब्भगयस्स चेव अट्ठ नालीग्रो अभितरप्पवहानो, अट्ठ
नालीप्रो बाहिरप्पवहाओ, अट्ठ पूयप्पवहायो, अट्ठ सोणियप्पवहारो, दुवे दुवे कण्णंतरेसु, दुवे दुवे अच्छिअंतरेसु, दुवे दुवे नक्कतरेसु, दुवे दुवे धमणिपतरेसु अभिक्खणं-अभिक्खणं पूयं च सोणियं च 'परिसवमाणीयो-परिसवमाणोनो
चेव चिट्ठति ।। ६३. तस्स णं दारगस्स गब्भगयस्स चेव अग्गिए नामं वाही पाउन्भूए । जे णं से
दारए पाहारेइ, से णं खिप्पामेव विद्धंसमागच्छई, पूयत्ताए य सोणियत्ताए य
परिणमइ, तं पि य से पूयं च सोणियं च पाहारेइ ।। ६४. तए णं सा मियादेवी अण्णया कयाइ नवण्हं मासाणं बहुपडिपुण्णाणं दारगं
पयाया जातिअंधे जातिमूए जातिबहिरे जातिपंगुले हुंडे य वायव्वे । नत्थि णं तस्स दारगस्स हत्था वा पाया वा कण्णा वा अच्छो वा नासा वा । केवलं
से तेसिं अंगोवंगाणं आगिती आगितिमेत्ते ।। ६५. तए णं सा मियादेवी तं दारग हुंडं अंधारूवं पासइ, पासित्ता भीया तत्था
तसिया उव्विग्गा संजायभया अम्मधाइं सद्दावेइ, सद्दावेत्ता एवं वयासो
गच्छह णं देवाणुप्पिया ! तुम एयं दारगं एगते उक्कुरुडियाए उज्झाहि ।। ६६. तए णं सा अम्मधाई मियादेवीए तहत्ति एयमढे पडिसुणेइ, पडिसुणेत्ता जेणेव
विजए खत्तिए तेणेव उवागच्छइ, उवागच्छित्ता करयलपरिग्गहियं सिरसावत्तं मत्थए अंजलि कटु एवं वयासी-एवं खलु सामी ! मियादेवी नवण्हं मासाणं 'बहुपडिपुण्णाणं दारगं पयाया-जातिअंधे जातिमूए जातिबहिरे जातिपंगुले
१. पीयमाणी (ख, ग, घ)। २. गभंतर° (क, ग); अब्भंतर° (ख)। ३. परिस्सवमाणीओ (क)। ४. X (क, घ)।
५. ज (क)। ६. विद्धसेति (घ)। ७. सं० पा०-जातिअंधे जाव आगितिमेत्ते । ८. सं० पा०-मासाणं जाव प्रागितिमेत्ते ।
www.jainelibrary.org
For Private & Personal Use Only
Jain Education International
