________________
૬૨૨
पण्हावागरणाइ एयं अण्णं च एवमादियं भणेज्ज कोहग्गि-संपलित्तो, तम्हा कोहो न सेवियव्वो। एवं खंतीए' भावियो भवति अंतरप्पा, संजय-कर-चरण-नयण-वयणो सूरो
सच्चज्जवसंपण्णो॥ १६. ततियं-लोभो न सेवियव्वो।
लुद्धो लोलो भणेज्ज अलियं खेत्तस्स व वत्थुस्स व कतेण । लुद्धो लोलो भणेज्ज अलियं कित्तीए व लोभस्स व कएण। लुद्धो लोलो भणेज्ज अलियं इड्ढीए व सोक्खस्स व कएण। लद्धो लोलो भणेज्ज अलियं भत्तस्स व पाणस्स व कएण । लद्धो लोलो भणज्ज अलिय पीढस्स व फलगस्स व कएण। लद्धो लोलो भणेज्ज अलियं सेज्जाए व संथारकस्स' व कएण। लद्धो लोलो भणज्ज अलियं वत्थस्स व पत्तस्स व कएण। लूद्धो लोलो भणेज्ज अलियं कंबलस्स व पायपुंछणस्स व कएण । लुद्धो लोलो भणेज्ज अलियं सीसस्स व सिस्सिणीए व कएण। अण्णेसु य एवमादिएसु बहुसु कारणसतेसु लुद्धो लोलो भणेज्ज अलियं, तम्हा लोभो न सेवियव्वो। एवं मुत्तीए भाविश्नो भवति अंतरप्पा, संजय-कर-चरण-नयण-वयणो सूरो
सच्चज्जवसंपण्णो । २०. चउत्थं न भाइयव्वं । भोतं खु भया अइंति लहुयं, भीतो अबितिज्जयो
मणसो, भोतो भूतेहिं व घेपेज्जा, भीतो अण्णं पि हु भेसेज्जा, भीतो तव-संजमं पि हु मुएज्जा, भीतो य भरं न नित्थरेज्जा, सप्पुरिसनिसेवियं च मग्गं भीतो न समत्थो अणुचरिउं । तम्हा न भाइयव्वं भयस्स वा वाहिस्स वा रोगस्स वा जराए वा मच्चुस्स वा अण्णस्स व एवमादियस्स' । एवं धेज्जेण भावियो भवति अंतरप्पा, संजय-कर-चरण-नयण-वयणो सूरो
सच्चज्जवसंपण्णो॥ २१. पंचमक-हासं न सेवियव्वं । अलियाइं असंतकाई जति हासइत्ता । परपरि
भवकारणं च हासं, परपरिवायप्पियं च हासं, परपीलाकारगं च हासं, भेदविमुत्तिकारकं च हासं, अण्णोण्णजणियं च होज्ज हासं, अण्णोण्णगमणं च होज्ज मम्म, अण्णोण्णगमणं च होज्ज कम्म, कंदप्पाभियोगगमणं च होज्ज हास, प्रासुरियं किव्विसत्तं च जणेज्ज हासं, तम्हा हासं न सेवियव्वं ।
१. खंतीय (ख); खंतीय (ग, घ, च)। ४. मुत्तीय (ख, घ)। २. संथारस्स (क)।
५. भावितव्वं (क); भातियव्वं (ग)। ३. लुद्धो लोलो भणेज्ज अलियं अण्णेसु (क, ख, ६. एगस्स (वृ); एवमादियस्स (वृपा)।
ग, घ, च)।
Jain Education International
For Private & Personal Use Only
www.jainelibrary.org
