________________
पण्हावागरणाई
दीवो ताणं सरणं गती पइट्ठा निव्वाण निव्वुई समाही सत्ती कित्ती कंती रती य विरती य सुयंग तित्ती दया विमुत्ती खंती समत्ताराहणा महंती बोही बुद्धी धिती समिद्धी रिद्धी विद्धी ठिती पुट्ठी नंदा भद्दा विसुद्धी लद्धी विसिट्ठदिट्ठी कल्लाणं मंगलं पमोनो विभूती रक्खा सिद्धावासो प्रणासवो केवलीणं ठाणं सिव-समिई-सील-संजमो त्ति य सीलपरिघरो' संवरो य गुत्ती ववसायो उस्सयो य जणो, प्रायतणं जयणमप्पमानो। प्रासासो वीसासो, अभयो सवूस्स वि अमाघारो। चोक्खपवित्ता सुती पूया विमल-पभासा य निम्मलतर त्ति ।
एवमादीणि निययगुण-निम्मियाइं पज्जवणामाणि होति अहिंसाए भगवतीए ॥ अहिंसा-थुइ-पदं ४. एसा सा भगवती अहिंसा, जा सा--
भीयाणं पिव सरणं, पक्खीणं पिव गयणं । तिसियाणं पिव सलिलं, खुहियाणं पिव असणं। समुद्दमज्झे व पोतवहणं, चउप्पयाणं व प्रासमपयं ।
दुहट्टियाणं व प्रोसहिबलं, अडवीमज्झे व सत्थगमणं ।। ५. एत्तो विसिट्टतरिका अहिंसा, जा सा
पढवि-जल-अगणि - मारुय - वणप्फइ-बीज-हरित-जलचर-थलचर-खहचर-तसथावर-सव्वभूय-खेमकरी ॥
१. नेव्वाणं (क)। २. नेव्वुई (क, ख)। ३. सीलायारो (क); सीलघरो (ख, घ, च)। ४. उस्सतो (क)।
५. चोक्खा पवित्ती (क)। ६. गमणं (क, ग, वृ)। ७. दुहटियाणं (च, ग)।
Jain Education International
For Private & Personal Use Only
www.jainelibrary.org
