________________
अंतगडदसाओ
महइमहालयानो इट्टगरासीनो एगमेगं इट्टगं गहाय बहिया रत्थापहाम्रो अंतोगिहं अणुप्पविसमाणं पासइ॥ तए णं से कण्हे वासुदेवे तस्स पुरिसस्स अणुकंपणट्ठाए हत्थिखंधवरगए चेव
एग इट्टगं गेण्हइ, गेण्हित्ता बहिया रत्थापहायो अंतोगिहं अणुप्पवेसेइ ।। ६७. तए णं कण्हेणं वासुदेवेणं एगाए इट्टगाए गहियाए समाणीए अणेगेहि
पुरिससएहिं से महालए इट्टगस्स रासी बहिया रत्थापहाम्रो अंतोघरंसि
अणुप्पवेसिए॥ कण्हस्स गयसकुमाल-दंसणाभिलासा-पदं १८. तए णं से कण्हे वासुदेवे बारवईए नयरीए मज्झमझेणं निग्गच्छइ, निग्गच्छित्ता
जेणेव अरहा अरिटुनेमी तेणेव उवागए, उवागच्छित्ता' अरहं अरिटुनेमि तिक्खुत्तो पायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता गयसुकुमालं अणगारं अपासमाणे अरहं अरिढणेमि वंदइ नमसइ, वंदित्ता नमंसित्ता एवं वयासी-कहि णं भंते ! से ममं सहोदरे कणीयसे भाया गय
सुकुमाले अणगारे 'जं णं" अहं वंदामि नमसामि ? गयसुकुमालस्स सिद्धि-सूयणा-पदं ६६. तए णं अरहा अरिट्ठनेमी कण्हं वासुदेवं एवं वयासी -साहिए णं कण्हा !
गयसुकुमालेणं अणगारेणं अप्पणो अढे ।। १००. तए णं से कण्हे वासुदेवे अरहं अरिट्ठनेमि एवं वयासी-कहण्णं भंते !
गयसूमालेणं अणगारेणं साहिए अप्पणो अटे? १०१. तए णं अरहा अरिट्ठनेमी कण्हं वासुदेवं एवं वयासी -एवं खलु कण्हा !
गयसुकुमालेणं अणगारेणं ममं कल्लं पच्चावरण्हकालसमयंसि' वंदइ नमसइ, वंदित्ता नमंसित्ता एवं वयासी- इच्छामि णं भंते ! तुब्भेहि अब्भणण्णाए समाणे महाकालंसि सुसाणंसि एगराइयं महापडिम उवसंपज्जित्ता णं विहरित्तए जाव एगराई महापडिम° उवसंपज्जित्ता णं विहरइ। तए णं तं गयसुकुमालं अणगारं एगे पुरिसे पासइ, पासित्ता प्रासुरुत्ते *गयसुकुमालस्स अणगारस्स मत्थए मट्टियाए पालि बंधइ, बंधित्ता जलंतीयो
१. अणुपविसमाणं (ख, ग)। २. अण्णेहिं (क)। ३. सं० पा०-उवागच्छित्ता जाव वंदइ । ४. जा णं (क, ख, ग); जेणं (ग)। ५. कह णं (क, ख, ग)।
६. पुव्वावरण्ह ° (ग, घ)। ७. सं० पा०-इच्छामि णं जाव उवसंपज्जित्ता। ८. अं० ३१८८। ६. सं० पा० -आसुरुत्ते जाव सिद्धे। पू०
३८६
Jain Education International
For Private & Personal Use Only
www.jainelibrary.org
