________________
५६४
अंतगडदसाओ अरिट्ठणेमि तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-इच्छामि णं भंते ! तुब्भेहिं अब्भणुण्णाए समाणे महाकालंसि सुसाणंसि एगराइयं महापडिमं उवसंपज्जित्ता णं विहरित्तए।
अहासुहं देवाणुप्पिया ! मा पडिबंधं करेहि ॥ गयसुकुमालस्स महापडिमा-पदं ८८. तए णं से गयसुकुमाले अणगारे अरहया अरि?णेमिणा अब्भणुण्णाए समाणे
अरहं अरिडणेमि वंदइ नमसइ, वंदित्ता नमंसित्ता अरहो अरिट्ठणेमिस्स अंतिए सहसंबवणाप्रो उज्जाणाम्रो पडिणिक्खमइ, पडिणिक्खमित्ता जेणेव महाकाले सुसाणे तेणेव उवागए, उवागच्छित्ता थंडिल्लं पडिलेहेइ, पडिलेहेत्ता उच्चारपासवणभूमि पडिलेहेइ,पडिलेहेत्ता ईसि पन्भारगएणं कारणं वग्धारियपाणी अणिमिसनयणे सुक्कपोग्गल -निरुद्ध दिट्ठी' ० दो वि पाए साहटु एगराई
महापडिम उवसंपज्जित्ता णं विहरइ ॥ सोमिलकय-उवसग्ग-पदं ८६. इमं च णं सोमिले माहणे सामिधेयस्स अट्ठाए बारवईयो नयरीनो बहिया
पुव्वणिग्गए । समिहानो य दब्भे य कुसे य पत्तामोड य गेण्हइ, गेण्हित्ता तो पडिणियत्तइ', पडिणियत्तित्ता महाकालस्स सुसाणस्स अदूरसामंतेणं वीईवयमाणे-वीईवयमाणे संझाकालसमयंसि पविरलमणुस्संसि' गयसुकुमालं अणगारं पासइ, पासित्ता तं वेरं सर इ, सरित्ता प्रासुरुत्ते रुद्रु कुविए चंडिक्किए मिसिमिसेमाणे एवं वयासी-एस णं भो ! से गयसुकुमाले कुमारे अपत्थिय पत्थिए, दुरंत-पंत-लक्खणे, हीणपुण्णचाउद्दसिए, सिरि-हिरि-धिइ-कित्ति -परिवज्जिए, जेणं मम धूयं सोमसिरीए भारियाए अत्तयं सोमं दारियं अदिट्टदोसपत्तियं कालवत्तिणि विप्पजहेत्ता मुंडे जाव पव्वइए । तं सेयं खलु मम गयसुकुमालस्स कुमारस्स वेरनिज्जायणं करेत्तए-एवं संपेहेइ, संपेहेत्ता दिसापडिलेहणं करेइ, करेत्ता सरसं मट्टियं गेण्हइ, गेण्हित्ता जेणेव गयसुकुमाले अणगारे तेणेव उवागच्छइ, उवागच्छिता गयसुकुमालस्स" अणगारस्स मत्थए मट्टियाए" पालि
१. सं० पा०-काएणं जाव दो वि पाए। २. एग० (भ० ३।१०५)। ३. निविट्ठ ० (भ० ३।१०५)। ४. पत्तामोडयं (वृ)। ५. पडिनिक्खमति (क)। १. °माणूसंसि (क)।
७. सं० पा०-अपत्थिय जाव परिवज्जिए। ८. अं० ३।२०। ६. मत्तियं (ख, ग)। १०. सूमालस्स (क, ख)। ११. X (क); मट्टिया (ख)।
Jain Education International
For Private & Personal Use Only
www.jainelibrary.org
