Page Text
________________
तइओ वग्गो - श्रमं अज्झयणं ( गए )
५६१
वयासी –एस णं जाया ! निग्गंथे पावयणे सच्चे श्रणुत्तरे केवलिए पडिपुणे नेयाउए संसुद्धे सल्लगत्तणे सिद्धिमग्गे मुत्तिमग्गे निज्जाणमग्गे निव्वाणमग्गे सव्वदुक्खपहीणमग्गे, ग्रहीव एतदिट्ठिए, खुरो इव एगंतधाराए, लोहमया इव जवा चावेयव्वा, वालुयाकवले इव निरस्साए गंगा इव महानई पडिसोयगमणाए, महासमुद्दो इव भुयाहिं दुत्तरे, तिक्खं कमियव्वं, गरुश्रं लंबेयव्वं, सिधाख्वयं चरियव्वं । नो खलु कप्पइ जाया ! समणाणं निग्गंथागं ग्राहाकम वा उद्देसिए वा कीयगडे वा ठविए वा रइए वा दुब्भिक्खभत्ते वा कंतारभत्ते वा वलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा ।
तुमं चणं जाया ! सुहसमुचिए नो चेव णं दुहसमुचिए, नालं सीयं नालं उण्हं नाल खुहं नालं पिवासं नालं वाइय- पित्तिय-सिंभिय- सन्निवाइए विविहे रोगायंके, उच्चावए गामकंटए, बावीसं परीसहोवसग्गे उदिण्णे सम्मं ग्रहियासित्तए । भुंजाहि ताव जाया ! माणुस्सए कामभोगे । तम्रो पच्छा भुत्तभोगी अरहो
मिस्स प्रति मुंडे भवित्ता अगाराम्रो ग्रगारियं पव्वइस्ससि ॥ ७३. तए णं से गयसुकुमाले कुमारे सम्मापिऊहिं एवं वुत्ते समाणे अम्मापियरं एवं वयासी—तहेव णं तं अम्मयाश्रो ! जं णं तुब्भे मम एवं वयह - "एस णं जाया ! निग्गंथे पावणे सच्चे प्रणुत्तरे केवलिए पडिपुणे नेयाउए संसुद्धे सल्लगत्तणे सिद्धिमग्गे मुत्तिमग्गे निज्जाणमग्गे निव्वाणमग्गे सव्वदुक्खप्पहीणमग्गे, ग्रहीव एतदिट्टिए, खुरो इव एगंतधाराए, लोहमया इव जवा चावेयव्वा, वालुया - कवले इव निरस्साए, गंगा इव महानई पडिसोयगमणाए, महासमुद्दो इव भुयाहिं दुत्तरे, तिक्खं कमियव्वं, गरुग्रं लंबेयव्वं, ग्रसिधारव्वयं चरियव्वं । नो खलु कप्पर जाया ! समणाणं निग्गंथाणं ग्राहाकम्मिए वा उद्देसिए वा की यगडे वा ठविए वा रइए वा दुब्भिक्खभत्ते वा कंतारभत्ते वा वलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा ।
Jain Education International
तुमं चणं जाया ! सुहसमुचिए नो चेव णं दुहसमुचिए, नालं सीयं नालं उन्ह नाल खुहं नालं पिवासं नालं वाइय - पित्तिय-सिभिय-सन्निवाइए विवि रोगायंके, उच्चावए गामकंटए बावीसं परीसहोवसग्गे उदिण्णे सम्मं श्रहियासित्तए । भुंजाहि ताव जाया ! माणुस्सर कामभोगे । तम्रो पच्छा भुत्तभोगी रहन मिस्स तिए मुंडे भवित्ता अगाराओ अणगारियं पव्वइस्ससि ।" एवं खलु अम्मया ! निग्गंथे पावयणे कीवाणं कायराणं कापुरिसाणं इहलोगपबिद्धाणं परलोगनिष्पिवासाणं दुरणुचरे पाययजणस्स, नो चेव णं धीरस्स । निच्छियववसियस्स एत्थ किं दुक्करं करणयाए ? तं इच्छामि णं अम्मयाश्रो !
For Private & Personal Use Only
www.jainelibrary.org
| SR No. | 003553 |
| Book Title | Angsuttani Part 03 - Nayadhammakahao Uvasagdasao Antgaddasao Anuttaraovavai Panhavagarnaim Vivagsuya |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 922 |
| Language | Prakrit |
| Classification | Book_Devnagari, Agam, & Canon |
| File Size | 15 MB |