________________
तइओ वग्गो-पढमं अज्झयणं (अणीयसे)
६. तत्थ णं भद्दिलपुरे नयरे नागे नाम गाहावई होत्था–अड्ढे जाव' अपरिभूए । ७. तस्स णं नागस्स गाहावइस्स सुलसा नाम भारिया होत्था-सूमाला जाव'
सुरूवा।। ८. तस्स णं नागरस गाहावइस्स पुत्ते सुलसाए भारियाए अत्तए अणीयसे नाम
कुमारे होत्था-सूमाले जाव' सुरूवे पंचधाइपरिक्खित्ते जहा दढपइण्णे जाव'
गिरिकंदरमल्लीणे विव चंपगवरपायवे णिव्वाघायंसि सुहंसुहेणं परिवड्डइ ।। ६. तए णं तं अणीयसं कुमारं सातिरेगअट्ठवासजायं [जाणित्ता ? ] अम्मापियरो
कलायरियस्स उवणेति जाव' भोगसमत्थे जाए यावि होत्था ।। १०. तए णं तं अणीयसं कुमारं उम्मुक्कबालभावं जाणित्ता अम्मापियरो सरिसि
याणं 'सरिव्वयाणं सरित्तयाणं सरिसलावण्ण-रूव-जोवण्ण-गुणोववेयाणं सरिसएहिंतो इब्भकुलहितो आणिल्लियाणं° बत्तीसाए इब्भवरकण्णगाणं एगदिवसेणं
पाणि गेण्हावेति ॥ ११. तए णं से नागे गाहावई अणीयसस्स कुमारस्स इमं एयारूवं पीइदाणं दलयइ,
तं जहा- बत्तीस हिरण्णकोडीओ जहा महब्बलस्स जाव' उप्पि पासायवरगए
फुट्टमाणेहिं मुइंगमत्थएहिं भोगभोगाइं भुजमाणे विहरइ । १२. तेणं कालेणं तेणं समएणं अरहा अरिटुनेमी' 'जेणेव भद्दिलपुरे नयरे जेणेव
सिरिवणे उज्जाणे तेणेव उवागच्छइ, उवागच्छित्ता प्रहापडिरूवं प्रोग्गहं
ओगिण्हित्ता संजमेणं तवसा अप्पाणं भावेमाणे • विहरइ । परिसा निग्गया। १३. तए णं तस्स अणीयसस्स कुमारस्स तं महा" जणसदं च जणकलकलं च सुणेत्ता
य पासेत्ता य इमेयारूवे अज्झत्थिए चितिए पत्थिए मणोगए संकप्पे समुप्पज्जित्था । जहा गोयमे" तहा अणगारे जाए°, नवरं-सामाइयमाइयाइं चोद्दसपुव्वाइं अहिज्जइ। बीसं वासाई परियायो। सेसं तहेव जाव सेत्तुंजे पव्वए मासियाए संलेहणाए 'अत्ताणं झूसित्ता सर्टि भत्ताइं अणसणाए छेदित्ता जाव केवलवरणाणदंसणं समुप्पाडेत्ता तो पच्छा ° सिद्धे ।।
१. ना० १५७ । २. ओ० सू० १५ । ३. अणीयसेणे (क)। ४. ओ० सू० १४३ । ५. राय० सू० ८०४ । ६. राय० सू० ८०६-८०६ । ७. सं० पा०-सरिसियाणं जाव बत्तीसाए।
८. भ० ११।१५६-१६१ । है. सं० पा०-समोसढे सिरिवणे उज्जाणे अहा
जाव विहरइ । पू०-ना० ११५।१०। १०. सं० पा०--तं महा जहा गोयमे तहा। ११. अं० १११६, २०। १२. अं. श२१-२४ । १३. सं० पा०-संलेहणाए जाव सिद्ध ।
Jain Education International
For Private & Personal Use Only
www.jainelibrary.org
