________________
उवासगदसायो
समयंसि धम्मजागरियं जागरमाणस्स अयं अज्झथिए चितिए पत्थिए मणोगए संकप्पे समुप्पज्जित्था-एवं खलु अहं इमेणं एयारूवेणं अोरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अट्टिचम्मावणद्धे किडिकिडियाभूए किसे धमणिसंतए जाए। तं अत्थि ता मे उट्ठाणे कम्मे बले वीरिए पूरिसक्कार-परक्कमे सद्धा-धिइ-संवेगे, तं जावता मे अत्थि उदाणे कम्मे बले वीरिए परिसक्कार-परक्कमे सद्धा-धिइ-संवेगे, जाव' य मे धम्मायरिए धम्मोवएसए समणे भगवं महावीरे जिणे सुहत्थी विहरइ, तावता मे सेयं कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणंतियसंलेहणा-झूसणा-झूसियस्स भत्तपाण-पडियाइक्खियस्स, कालं अणवकंखमाणस्स विहरित्तए-एवं संपेहेइ, संपेहेत्ता कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणंतियसलेहणा-झूसणा-झूसिए भत्तपाण-पडियाइविखए कालं
अणवकंखमाणे विहरइ ॥ लेतियापियस्स समाहिमरण-पदं २५. तए णं से लेतियापिता समणोवासए बहूहिं सील-व्वय-गुण-वेरमण-पच्चक्खाण
पोसहोववासेहिं अप्पाणं भावेत्ता, वीसं वासाइं समणोवासगपरियायं पाउणित्ता. एक्कारस य उवासगपडिमानो सम्मं कारणं फासित्ता, मासियाए संलेहणाए अत्ताणं झूसित्ता, सद्धि भत्ताई अणसणाए छेदेत्ता, आलोइय-पडिक्कते समाहिपत्ते कालमासे कालं किच्चा ° सोहम्मे कप्पे अरुणकीले विमाणे देवत्ताए उववण्णे। तत्थ णं अत्थेगइयाणं देवाणं चत्तारि पलिओवमाइं ठिई
पण्णत्ता । लेतियापियस्स वि देवस्स चत्तारि पलिग्रोवमाइं ठिई पण्णत्ता ॥ २६. से णं भंते ! लेतियापिता तारो देवलोगारो आउक्खएणं भवक्खएणं
ठिइक्खएणं अणंतरं चयं चइत्ता कहिं गमिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं
काहिइ ॥ निक्खेव-पदं २७. एवं खलु जंबू ! समणे णं भगवया महावीरेणं उवासगदसाणं दसमस्स
अज्झयणस्स अयम? पण्णत्ते ॥
१. उवा० ११५७ । २. अध्ययननिगमनानन्तरमादर्शेषु पाठान्तररूपेण
स्वीकृतं संग्रहवाक्यमुपलभ्यते । वृत्त्यनुसारेण नैतत् संभाव्यते-दसण्ह वि पण्णरसमे
संवच्छरे वद्रमाणे णं चित्ता। दसह वि वीसं वासाइं समणोवासयपरियानो (क, ख, ग, घ)।
Jain Education International
For Private & Personal Use Only
www.jainelibrary.org
