________________
नायाधम्मकहाओ पढमं अज्झयणं
उक्खित्तणाए उक्खेव-पदं
१. तेणं कालेणं तेणं समएणं चंपा नामं नयरी होत्था-वण्णो ' ।। २. तीसे णं चंपाए नयरीए बहिया उत्तरपुरत्थिमे दिसीभाए पुण्णभद्दे नामं चेइए'
होत्था--वण्णग्रो ॥ ३. तत्थ णं चंपाए नयरीए कोणिए नामं राया होत्था-वण्णग्यो । ४. तेणं कालेणं तेणं समएणं समणस्स भगवो महावीरस्स अंतेवासी अज्जसुहम्मे
नाम थेरे जातिसंपण्णे कुलसंपण्णे बल-रूव-विणय-नाण-दसण-चरित्त'-लाघवसंपण्णे पोयंसी तेयंसी वच्चंसी जसंसी जियकोहे जियमाणे जियमाए जियलोहे 'जिइंदिए जियनिद्दे जियपरीसहे जीवियास-मरणभयविप्पमुक्के तवप्पहाणे गुणप्पहाणे एवं-करण-चरण-निग्गह-निच्छय-अज्जव-मद्दव-लाघव-खंति-गुत्तिमुत्ति-विज्जा-मंत-बंभ-वेय-नय-नियम- सच्च-सोय- नाण- दंसण- चरित्तप्पहाणे अोराले घोरे घोरव्वए" घोरतवस्सी घोरबंभचेरवासी उच्छृढसरीरे संखित्तविउल-तेयलेस्से चोहसपन्वी१२ चउनाणोवगए पंचहि अणगारसएहि सद्धि संपरिवुडे पुव्वाणुपुब्बि चरमाणे गामाणुगामं दूइज्जमाणे सुहंसुहेणं विहरमाणे
१. ओ० सू० १। २. चेतिए (क, ख, ग)। ३. प्रो० सू० २-१३। ४. ओ० सू० १४ । ५. चरित्त लज्जा (राय० सू० ६८६) । ६. जियइंदिए (ख)। ७. जियनिद्दे जितिदिए (राय० सू० ६८६)। ८. जीवियासा (ग, घ)।
६. बंभचेर (ख, घ) । वृत्तौ 'ब्रह्म' पदमेवव्या
ख्यातमस्ति, यथा-ब्रह्म-ब्रह्मचर्य सर्वमेव वा कुशलानुष्ठानम् । कासुचित् प्रतिषु 'बंभचेर'
इति मूलपाठरूपेण परिवर्तितमभूत् । १०. उराले (ख, घ)। ११. घोरगुणे (राय० सू० ६८६) । १२. चोदस ° (ख); चउद्दस ° (ग)। १३. दूतिज्ज° (ख, ग )।
Jain Education International
For Private & Personal Use Only
www.jainelibrary.org
