________________
५१६
उवासगदसाओ
१२. तए णं समणे भगवं महावीरे महासतयस्स गाहावइस्स तीसे य महइमहालियाए
परिसाए जाव' धम्म परिकहेइ ।। १३. परिसा पडिगया, राया य गए । महासतयस्स गिहिधम्म पडिवत्ति-पदं १४. तए णं महासतए गाहावई समणस्स भगवओ महावीरस्स अंतिए धम्म सोच्चा
निसम्म हट्टतुट-चित्तमाणदिए पीइमणे परमसोमणस्सिए हरिसवस-विसप्पमाणहियए उट्ठाए उढेइ, उद्वेत्ता समणं भगवं महावीरं तिक्खुत्तो पायाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता एवं वयासी-- सद्दहामि णं भंते ! निग्गंथं पावयणं, पत्तियामि णं भंते ! निग्गंथं पावयणं, रोएमि णं भंते ! निग्गंथं पावयणं, अब्भुटेमि णं भंते ! निग्गंथं पावयणं । एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! से जहेयं तुब्भे वदह । जहा णं देवाणुप्पियाणं अंतिए बहवे राईसर-तलवर-माडंविय-कोडुबिय-इब्भ-सेट्ठिसेणावइ-सत्थवाहप्पभिइया मुंडा भवित्ता अगाराप्रो अणगारियं पव्वइया, नो खलु अहं तहा संचाएमि मुंडे भवित्ता अगारामो अणगारियं पव्वइत्तए । अहं णं देवाणुप्पियाणं अंतिए पंचाणुव्वइयं सत्तसिक्खावइयं-- दुवालसविहं सावगधम्म पडिवज्जिस्सामि। अहासुहं देवाणुप्पिया ! मा पडिबंध करेहि ॥ तए णं से महासतए गाहावई समणस्स भगवो महावीरस्स अंतिए'० सावयधम्म पडिवज्जइ, नवरं-अट्ठ हिरण्णकोडीअो सकंसायो । अट्ट वया। रेवतीपामोक्खाहिं तेरसहिं भारियाहि अवसेसं मेहुणविहिं पच्चक्खाइ । इमं च णं एयारूवं अभिग्गहं अभिगेण्हति ---कल्लाकल्लि 'च णं' कप्पइ मे
बेदोणियाए' कंसपाईए हिरण्णभरियाए संववहरित्तए ।। महासतयस्स समणोवासग-चरिया-पदं १६. तए णं से महासतए समणोवासए जाए- अभिगयजीवाजीवे जाव' समणे
निग्गंथे फासु-एसणिज्जेणं असण-पाण-खाइम-साइमेणं वत्थ-पडिग्गह-कंबलपायपुंछणेणं प्रोसहभेसज्जेणं पाडिहारिएण य पीढ-फलग-सेज्जा-संथारएणं पडिलाभेमाणे ° विहरइ॥
१. ओ० सू० ७१-७७ । २. पू०-उवा० २४-४५ । ३. सकंसाओ उच्चारेति (क, ख, ग)। ४. पच्चक्खाइ सेसं सव्वं तहेव (क, ख, ग, घ)।
५. X (ख)। ६. पेदोणि ° (क)। ७. सं० पा०-अभिगयजीवाजीवे जाव विहरइ । ८. उवा० ११५५ ।
Jain Education International
For Private & Personal Use Only
www.jainelibrary.org
