________________
अट्ठमं अज्झयणं (महासतए)
५१५ अहीण'- पडिपुण्ण-पंचिंदियसरीरामो जाव' माणुस्सए कामभोए पच्चणुभवमा
णीग्रो विहरंति ॥ ७. तस्स णं महासतयस्स रेवतीए भारियाए कोलहरियानो' अट्ठ हिरण्णकोडीओ,
अट्ठ वया दसगोसाहस्सिएणं वएणं होत्था। अवसेसाणं दुवालसण्ह भारियाणं कोलहरिया एगमेगा हिरण्णकोडी, एगमेगे य वए दसगोसाहस्सिएणं वएणं
होत्था ॥ महावीर-समवसरण-पदं
८. तेणं कालेणं तेणं समएणं सामी समोसढे ॥ ६. परिसा निग्गया ॥ १०. • कूणिए राया जहा, तहा सेणियो निग्गच्छइ जाव' पज्जुवासइ ॥ ११. तए णं से महासतए गाहावई इमीसे कहाए लढे समाणे-“एवं खलु समणे
भगवं महावीरे पुव्वाणुपुचि चरमाणे गामाणुगामं दूइज्जमाणे इहमागए इह संपत्ते इह समोसढे इहेव रायगिहस्स नय रस्स बहिया गुणसिलए चेइए अहापडिरूवं प्रोग्गहं अोगिण्हित्ता संजमेणं तवसा अप्पाणं भावेमाणे विहरइ।" तं महप्फलं खलु भो ! देवाणुप्पिया ! तहारूवाणं अरहंताणं भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छणपज्जुवासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्ठस्स गहणयाए ? तं गच्छामि णं देवाणुप्पिया ! समणं भगवं महावीरं वदामि णमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि-एवं संपेहेइ, संपेहेत्ता हाए कयबलिकम्मे कय-कोउयमंगल-पायच्छित्ते सुद्धप्पावेसाइं मंगलाई वत्थाई पवर परिहिए अप्पमहग्घाभरणालंकियसरीरे सयाओ गिहाम्रो पडिणिक्खमइ, पडिणिक्खमित्ता सकोरेंटमल्लदामेणं छत्तेणं धरिज्जमाणेणं मणुस्सवग्गुरापरिखित्ते पादविहारचारेणं रायगिह नयरं मझमझेणं निग्गच्छइ, निग्गच्छित्ता जेणामेव गुणसिलए चेइए, जेणेव समणे भगवं महावीरे, तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता णच्चासण्णे णाइदूरे सुस्सूसमाणे णमंसमाणे अभिमुहे विणएणं पंजलिउ
सई॥
१. सं० पा०-अहीण जाव सुरूवाओ। २. उवा० १।१४। ३. कोलघरियाओ (ख)। ४. कोलघरिया (क, ख, ग, घ)।
५. सं० पा०-जहा आणंदो तहा निगच्छइ ।
तहेव सावयधम्म पडिवज्जइ। ६. ओ० सू० ५३-६६ ।
Jain Education International
For Private & Personal Use Only
www.jainelibrary.org
