________________
४८६
उवासगदसाओ
से नूणं कुंडकोलिया ! कल्लं' तुम्भं पच्चावरण्हकालसमयंसि' असोगवणियाए एगे देवे अंतियं पाउन्भवित्था। तए णं से देवे नाममुद्दगं च' 'उत्तरिज्जगं च पुढविसिलापट्टयानो गेण्हइ, गेण्हित्ता अंतलिक्खपडिवण्णे सखिखिणियाइं पंचवण्णाइं वत्थाई पवर परिहिए तुमं एवं वयासी-हंभो ! कंडकोलिया ! समणोवासया ! संदरी णं देवाणुप्पिया ! गोसालस्स मंखलिपुत्तस्स धम्मपण्णत्ती-नत्थि उठाणे इ वा कम्मे इ वा बले इ वा वीरिए इ वा पुरिसक्कार-परक्कमे इ वा नियता सव्वभावा, मंगुली णं समणस्स भगवो महावीरस्स धम्मपण्णत्ती-अत्थि उट्ठाणे इ वा कम्मे इ वा बले इ वा वीरिए इ वा पुरिसक्कार-परक्कमे इ वा अणियता सव्वभावा। तए णं तुमं तं देवं एवं वयासी - जइ णं देवाणुप्पिया ! सुंदरी णं गोसालस्स मंखलिपुत्तस्स धम्मपण्णत्ती-नत्थि उट्ठाणे इ वा जाव पुरिसक्कार-परकम्मे इ वा नियता सव्वभावा, मंगुली णं समणस्स भगवग्रो महावीरस्स धम्मपण्णत्ती-अत्थि उट्ठाणे इ वा जाव पुरिसक्कार-परक्कमे इ वा अणियता सव्वभावा, तुमे णं देवाणुप्पिया ! इमा एयारूवा दिव्वा देविड्डी दिव्वा देवज्जुई दिव्वे देवाणुभावे किण्णा लद्ध ? किण्णा पत्ते ? किण्णा अभिसमण्णागए ? कि उट्ठाणेणं जाव पुरिसक्कार-परक्कमेणं? उदाहु अणुटाणेणं जाव अपुरिसक्कारपरकम्मेणं ? तए णं से देवे तुमं एवं वयासी-एवं खलु देवाणुप्पिया ! मए इमा एयारूवा दिव्वा देविड्डी दिव्वा देवज्जुई दिव्वे देवाणुभावे अणुट्ठाणेणं जाव अपुरिसक्कारपरक्कमेणं लद्धे पत्ते अभिसमण्णागए। तए णं तुमं तं देवं एवं वयासी जइ णं देवाणुप्पिया! तुमे इमा एयारूवा दिव्वा देविड्डी दिव्वा देवज्जुई दिव्वे देवाणुभावे अणुट्ठाणेणं जाव अपुरिसक्कारपरक्कमेणं लद्धे पत्ते अभिसमण्णागए, जेसि णं जीवाणं नत्थि उढाणे इ वा जाव परक्कमे इ वा, ते किं न देवा? अह तुब्भे इमा एयारूवा दिव्वा देविड्डी दिव्वा देवज्जुई दिव्वे देवाणुभावे उट्ठाणेणं जाव परक्कमणं लद्धे पत्ते अभिसमण्णागए, तो जं वदसि सुंदरी णं गोसालस्स मंखलिपुत्तस्स धम्मपण्णत्ती-नत्थि उट्ठाणे इ वा जाव' नियता सव्वभावा, मंगुली णं समणस्स भगवो महावीरस्स धम्मपण्णत्ती-अस्थि उढाणे इ वा जाव अणियता सव्वभावा, तं ते मिच्छा। तए णं से देवे तुम एवं वुत्ते समाणे संकिए कंखिए वितिगिच्छासमावण्णे कलुससमावण्णे नो
३. सं० पा०-नामुद्दगं च तहेव जाव पडिगए।
२. पुव्वावरण्ह ° (ख, घ)।
Jain Education International
For Private & Personal Use Only
www.jainelibrary.org
