________________
बोअं अज्झयणं (कामदेवे)
४३६ समयंसि धम्मजागरियं जागरमाणस्स अयं अज्झथिए चितिए पत्थिए मणोगए संकप्पे समुप्पज्जित्था-'एवं खलु अहं इमेणं एयारूवेणं अोरालेणं विउलेणं पयत्तेणं पग्गहिएणं तवोकम्मेणं सुक्के लुक्खे निम्मंसे अदिचम्मावणद्धे किडिकिडियाभूए किसे धमणिसंतए जाए। तं अत्थि ता मे उढाणे कम्मे बले वीरिए पुरिसक्कार-परक्कमे सद्धा-धिइ-संवेगे, तं जावता मे अत्थि उदाणे कम्मे बले वीरिए परिसक्कार-परक्कमे सद्धा-धिइ-संवेगे, जाव य मे धम्मायरिए धम्मोवएसए समणे भगवं महावीरे जिणे सुहत्थी विहरइ, तावता मे सेयं कल्ल पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते अपच्छिममारणतियसंलेहणा-झूसणा-झूसियस्स भत्तपाण-पडियाइक्खियस्स कालं अणवकखमाणस्स विहरित्तए एवं संपेहेइ, संपेहेत्ता कल्लं पाउप्पभायाए रयणीए जाव उट्टियम्मि सूरे सहस्सरस्सिम्मि दिणयरे तेयसा जलते अपच्छिममारणंतियसलेहणा-झूसणा-झूसिए भत्तपाण-पडियाइक्खिए कालं
अणवकंखमाणे विहरइ ।।° कामदेवस्स समाहिमरण-पदं ५५. तए णं से कामदेवे समणोवासए बहूहि' सील-व्वय-गुण-वेरमण-पच्चक्खाण
पोसहोववासेहि अप्पाणं ° भावेत्ता वीस वासाइंसमणोवासगपरियागं पाउणित्ता, एवकारस य उवासगपडिमानो सम्म काएणं फासित्ता, मासियाए संलेहणाए अत्ताणं झूसित्ता, सट्ठि भत्ताई अणसणाए छेदेत्ता, आलोइय-पडिक्कते, समाहिपत्ते, कालमासे कालं किच्चा, सोहम्मे कप्पे सोहम्मवडिमगस्स महाविमाणस्स उत्तरपुरस्थिमे णं अरुणाभे विमाणे देवत्ताए उववण्णे । तत्थ णं अत्थेगइयाणं देवाणं चत्तारि पलिग्रोवमाइं ठिई पण्णत्ता। कामदेवस्स वि देवस्स चत्तारि पलिग्रोवमाई ठिई पण्णत्ता ॥ से णं भते ! कामदेवे तानो देवलोगानो आउक्खएणं भवक्खएणं ठिइक्खएणं अणंतरं चयं चइत्ता कहिं गमिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ बुज्झिहिइ मुच्चिहिइ सव्वदुक्खाणमंतं
काहिइ ।। निक्खेव-पदं ५७. "एवं खलु जंबू ! समणेणं भगवया महावीरेणं उवासगदसाणं दोच्चस्स अज्झ
यणस्स अयमट्ठ पण्णत्ते ॥
१. उवा० ११५७ । २. सं० पा०-बहूहि जाव भावेत्ता। ३. अप्पाणं (क, ख, ग, घ)।
४. तओ चेव (ख)। ५. सं० पा०-निक्खेवो।
Jain Education International
For Private & Personal Use Only
www.jainelibrary.org
