________________
४३२
उवासगदसाओ
एवं खलु देवाणुप्पिया ! सक्के देविदे देवराया' वज्जपाणी पुरंदरे सयक्कऊ सहस्सक्खे मघवं पागसासणे दाहिणड्डलोगाहिवई बत्तीस-विमाण-सयसहस्साहिवई एरावणवाहणे सुरिंदे अरयंबर-वत्थधरे आलइय-मालमउडे नव-हेम-चारुचित्त-चंचल-कुंडल-विलिहिज्जमाणगंडे भासुरबोंदी पलंबवणमाले सोहम्मे कप्पे सोहम्मवडेंसए विमाणे सभाए सोहम्माए° सक्कंसि सीहासणंसि चउरासीईए सामाणियसाहस्सीण', 'तायत्तीसाए तावत्तीसगाणं, चउण्हं लोगपालाणं, अट्ठण्हं अग्गमहिसोणं सपरिवाराणं, तिण्हं परिसाणं, सत्तण्हं अणियाणं, सत्तण्हं अणियाहिवईणं, चउण्हं चउरासीणं आयरक्ख-देवसाहस्सीणं °, अण्णसि च बहणं देवाण य देवीण य मझगए एवमाइक्खइ, एवं भासइ, एवं पण्णवेइ, एवं परूवेइ-एवं खलु देवा ! जंबुद्दीवे दीवे भारहे वासे चंपाए नयरीए कामदेवे समणोवासए पोसहसालाए पोसहिए बंभचारी' 'उम्मुक्कमणिसुवण्णे ववगयमालावण्णगविलेवणे निक्खित्तसत्थमुसले एगे अबीए दब्भसंथारोवगए समणस्स भगवो महावीरस्स अंतियं धम्मपण्णत्ति उवसंपज्जित्ता णं विहरइ । नो खलु से सक्के केणइ देवेण वा 'दाणवेण वा' जक्खेण वा रक्खसेण वा किन्नरेण वा किंपुरिसेण वा महोरगेण वा गंधव्वेण वा निग्गंथानो पावयणाश्रो चालित्तए वा खोभित्तए वा विपरिणामेत्तए वा। तए णं अहं सक्कस्स देविंदस्स देवरण्णो एयमटुं असद्दहमाणे अपत्तियमाणे अरोएमाणे इहं हव्वमागए । तं अहो णं देवाणुप्पियाणं इड्डी जुई जसो बलं वीरियं पुरिसक्कार-परक्कमे 'लद्धे पत्ते अभिसमण्णागए। तं दिवा णं देवाणुप्पियाणं इड्डी' 'जुई जसो बलं वीरियं पुरिसक्कार-परक्कमे लद्धे पत्ते ० अभिसमण्णागए। तं खामेमि णं देवाणप्पिया ! खमंतु णं देवाणप्पिया ! खंतुमरिहंतिणं देवाणुप्पिया! नाइं भुज्जो करणयाए त्ति कट्ठ पायवडिए पंजलिउडे' एयमटुं भुज्जो-भुज्जो खामेइ, खामेत्ता जामेव दिसं पाउब्भूए,
तामेव दिसं पडिगए ॥ कामदेवस्स पडिमा-पारण-पदं ४१. तए णं से कामदेवे समणोवासए निरुवसग्गमिति कटु पडिमं पारेइ ।।
१. देवराया सतक्कत जाव सकसि (क); देव- ५. दाणवेण वा जा गंधव्वेण वा (क); दाणवेण रोया सतक्कतं जाव सक्कंसि (ग);
वा गंधव्वेण वा (ग)। सं० पा०--देवराया जाव सक्कंसि । ६. लद्धा पत्ता अभिसमण्णागया (क्व)। २. सं० पा०-साहस्सीणं जाव अण्णेसि । ७. सं० पा०-इड्ढी जाव अभिसमण्णागए। ३. सं० पा०-बंभचारी जाव दब्भसंथारोवगए। ८. मरुहंती (क)। ४. सक्का (क, ख, ग, घ)।
६. पंजलियडे (क)।
Jain Education International
For Private & Personal Use Only
www.jainelibrary.org
