________________
बीअं अभयणं (कामदेवे )
४३१
३८. तए णं से दिव्वे सप्परूवे कामदेवं समणोवासयं अभीयं जाव' पासइ, पासित्ता सुरते रुट्ठे कुविए चंडिक्किए मिसिमिसीयमाणे कामदेवस्स सरसरस्स कार्य दुरूह, दुरुहित्ता पच्छिमेणं भाएणं तिक्खुत्तो गीवं वेढेइ, वेढित्ता तिक्खाहिं विपरिगताहि दाढाहिं उरंसि चेव निकुट्टेइ ||
३६. तए णं से कामदेवे समणोवासए तं उज्जलं "विउलं कक्कसं पगाढं चंडं दुक्खं दुरहियासं वेणं सम्म सहइ खमइ तितिक्खइ अहियासेइ ||
देवरूव विव्वण-पदं
४०. तए णं से दिव्वे सप्परूवे कामदेवं समणोवासयं अभीयं तत्थं अणुव्विग्गं खुभयं चलियं असंतं तुसिणीयं धम्मज्भाणोवगयं विहरमाणं पासइ, पासित्ता जाहे नो संचाएइ कामदेव समणोवासयं निग्गंथाओ पावयणाओ चालित्तए वा खोभित्तए वा विपरिणामेत्तए वा, ताहे संते तंते परितंते सणियंसणियं पच्चोसक्कइ, पच्चोसक्कित्ता पोसहसाला पडिणिक्खमइ, पडिणिक्खमित्तादिव्वं सप्रूवं विप्पजहइ, विप्पजहित्ता एगं महं दिव्वं देवरूवं विउब्वाइ हार-विराइय-वच्छं "कडग-तुडिय-थंभियभुयं श्रंगय-कुंडल- मट्ठ- गंड- कण्णपीढधारि विचित्तहत्याभरणं विचित्तमाला - मउलि-मउडं कल्लाणग-पव रवत्थपरिहियं कल्लाणगपवरमल्लाणुलेवणं भासुरबोंदि पलंबवणमालधरं दिव्वेणं वण्णेणं दिव्वेणं गंधेणं दिव्वेणं रूवेणं दिव्वेणं फासेणं दिव्वेणं संघाएणं दिव्वेण संठाणेणं दिव्ory इड्डीए दिव्वाए जुईए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाग्रो उज्जोवेमाणं पभासेमाणं पासाई' 'दरिस णिज्जं प्रभिरूवं पडिरूवं - दिव्वं देवरूवं विउव्वित्ता" कामदेवस्स समणोवासयस्स पोसहसाल अणुप्पविसर, प्रणुष्पविसित्ता अंतलिक्खपडिवणे सखिखिणियाइं पंचवण्णाई वत्थाई पवर परिहिए कामदेव समणोवासयं एवं वयासी - हंभो ! कामदेवा ! समणोवासया ! घण्णेसि णं तुमं देवाणुप्पिया ! पुणेसि णं तुमं देवाणुप्पिया ! कयत्थेसि णं तुमं देवाणुप्पिया ! कयलक्खसि णं तुमं देवाणुप्पिया ! सुलद्धे णं तव देवाणुप्पिया ! माणुस्सए जम्मजीवियफले, जस्स णं तव निग्गंथे पावयणे इमेयारूवा पडिवत्ती लद्धा पत्ता अभिसमण्णागया ।
o
०
१. उवा० २।२४ ।
२. सं० पा० – उज्जलं जाव अहियासेइ ।
३. सं० पा० - अभीयं जाव पासइ ।
४. सं० पा०-हारविराइयवच्छं जाव दस
दिसाओ ।
Jain Education International
५.
६.
पासति ( ख ) ।
X ( ख ) ।
७. संपुणे (क, ग ) । सं० पा० - पुणे कयत्थे कलक्खणे सुद्धे ।
o
For Private & Personal Use Only
www.jainelibrary.org
