________________
३७२
नायाधम्मकहाओ दारिया होत्था-वड्डा वड्डुकुमारी जुण्णा जुण्णकुमारी पडियपुयत्थणी'
निविण्णवरा वरगपरिवज्जिया' वि होत्था ॥ कालीए पव्वज्जा-पदं १६. तेणं कालेणं तेणं समएणं पासे अरहा पुरिसादाणीए आइगरे तित्थगरे
सहसंबुद्धे पुरिसोत्तमे पुरिससोहे पुरिसवरपुंडरीए पुरिसवरगंधहत्थी अभयदए चक्खुदए मग्गदए सरणदए जीवदए दीवो ताणं सरणं गई पइट्टा धम्मवरचाउरंत-चक्कवट्टी अप्पडिहय-वरनाणदंसणधरे वियदृच्छउमे अरहा जिणे केवली जिणे जाणए तिण्णे तारए मुत्ते मोयए बुद्धे बोहए सव्वण्णू सव्वदरिसी नवहत्थुस्सेहे समचउरंससंठाणसंठिए वज्जरिसहनारायसंघयणे जल्लमल्लकलंकसेयरहियसरीरे सिवमयलमरुयमणंतमक्खयमव्वाबाहमपुणरावत्तगं सिद्धिगइणामधेज्जं ठाणं संपाविउकामे सोलसहि समणसाहस्सीहिं अट्ठत्तीसाए अज्जियासाहस्सीहि सद्धि संपरिवुडे पुव्वाणुवि चरमाणे गामाणुगाम दूइज्जमाणे सुहसुहेणं विहरमाणे प्रामलकप्पाए नयरीए बहिया ° अंबसालवणे
समोसढे। परिसा निग्गया जाव पज्जवासइ॥ २०. तए णं सा कालो दारिया इमीसे कहाए लट्ठा समाणी हट्ठ तुट्ठ-चित्तमाणंदिया
पीइमणा परमसोमणस्सिया हरिसवस-विसप्पमाण ० हियया जेणेव अम्मापियरो तेणेव उवागच्छइ, उवागच्छित्ता करयल परिग्गहियं दसणहं सिरसावत्तं मत्थए अंजलि कट्ट° एवं वयासी-एवं खलु अम्मयानो ! पासे अरहा पूरिसादाणीए प्राइगरे तित्थगरे इहमागए इह संपत्ते इह समोसढे इह चेव आमलकप्पाए नयरीए अंबसालवणे अहापडिरूवं प्रोग्गहं प्रोगिण्हित्ता संजमेणं तवसा अप्पाणं भावेमाणे ° विहरइ। तं इच्छामि णं अम्मयाओ! तुब्भेहि अब्भणुण्णाया समाणी पासस्स णं अरहनो पुरिसादाणीयस्स पायवंदिया गमित्तए।
अहासुहं देवाणुप्पिए ! मा पडिबंधं करेहि ॥ २१. तए णं सा काली दारिया अम्मापिईहिं अब्भणुण्णाया समाणी हट्ठ तुट्ठ-चित्त
माणंदिया पीइमणा परमसोमणस्सिया हरिसवस-विसप्पमाण हियया व्हाया कयबलिकम्मा कयकोउय-मंगल-पायच्छित्ता सुद्धप्पावेसाइं मंगल्लाइं वत्थाई
१. पुतत्थणी (ग)। २. वरपरिवज्जिया (घ); वरवज्जिया (७)। ३. सं० पा०-जहा वद्धमाणसामी नवरं नव-
हत्थुस्से हे ° (क, ख, ग, घ)। . ४. पू०--ओ० सू० १६ ।
५. ओ० सू० ५२ । ६. सं० पा० -हद जाव हियया । ७. सं० पा०-करयल जाव एवं । ८. सं० पा०-आइगरे जाव विहरइ । ६. सं० पा०-हट्ट जाव हियया।
Jain Education International
For Private & Personal Use Only
www.jainelibrary.org
