________________
पढमो वग्गो-पढम अझयणं (काली)
'नमंसित्तए सक्कारित्तए सम्माणित्तए कल्लाणं मंगलं देवयं चेइयं' पज्जुवासित्तए त्ति कटु एवं संपेहेइ, संपेहेत्ता आभियोगिए देवे सद्दावेइ, सद्दावेत्ता एवं वयासी-एवं खलु देवाणुप्पिया ! समणे भगवं महावीरे' विहरइ एवं जहा सूरियाभो तहेव आणत्तियं देइ जाव' दिव्वं सुरवराभिगमणजोग्गं करेह' 'य कारवेह य करेत्ता य कारवेत्ता य खिप्पामेव एवमाणत्तियं ' पच्चप्पिणह । ते वि तहेव करेत्ता जाव' पच्चप्पिणंति, नवरं-जोयणसहस्सवित्थिण्णं जाणं । सेसं तहेव । तहेव नामगोयं साहेइ, तहेव नट्टविहिं उवदंसेइ
जाव' पडिगया । गोयमस्स पसिण-पदं १३. भंतेति ! भगवं गोयमे समणं भगवं महावीरं वंदइ नमसइ, वंदित्ता नमंसित्ता
एवं वयासी-कालीए णं भंते ! देवीए सा दिव्वा देविड्डी दिव्वा देवज्जुई दिव्वे देवाणुभाए कहिं गए ? कहिं अणुप्पविट्ठे ? गोयमा ! सरोरं गए सरीरं अणुप्पवितु । कूडागारसाला दिटुंतो। अहो णं भंते ! काली देवी महिड्डिया महज्जुइया महब्बला महायसा महासोक्खा
महाणुभागा। १४. कालीए णं भंते ! देवीए सा दिव्वा देविड्डी दिव्वा देवज्जुई दिव्वे देवाणुभागे
किण्णा लद्धे ? किण्णा पत्ते ? किण्णा अभिसमण्णागए ? भगवनो उत्तरे काली-पदं १५. 'गोयमाति ! समणे भगवं महावीरे भगवं गोयमं आमंतेत्ता एवं वयासी
एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे
ग्रामलकप्पा नामं नयरी होत्था-वण्णो । अंबसालवणे चेइए। जियसत्तू राया। १६. तत्थ णं आमलकप्पाए नयरीए काले 'नाम गाहावई होत्था--अड्ढे जाव'
अपरिभूए॥ १७. तस्स णं कालस्स गाहावइस्स कालसिरी नामं भारिया होत्था-सुकुमाल
पाणिपाया जाव" सुरूवा॥ १६. तस्स णं कालस्स गाहावइस्स धूया कालसिरीए भारियाए अत्तया काली नामं
१. पू०-राय० सू०६।
७. पू०-राय० सू० ६६७ । २. राय० सू०६।
स० पा०-एवं जहा सूरियाभस्स जाव एवं । ३. सं० पा०-करेह करेत्ता जाव पच्चप्पिणह। ५. ओ० सू० १ । ४. राय० सू० १०.४६ ।
६. ना० ११५७ । ५. राय० सू० ४७.१२० ।
१०. ना० १११।१७। ६. राय० सू० १२३ ।
Jain Education International
For Private & Personal Use Only
www.jainelibrary.org
