________________
अट्ठारसमं अज्झयण (सुंसुमा)
३५१ २५. तए णं से विजए चोरसेणावई चिलायं तक्करं बहूओ चोरविज्जायो य चोरमंते
य चोरमायाप्रो य चोरनिगडीयो य सिक्खावेइ ॥ विजयस्स मच्चु-पदं २६. तए णं से विजए चोरसेणावई अण्णया कयाइ कालधम्मुणा संजुत्ते यावि
होत्था ॥ २७. तए णं ताइं पंचचोरसयाई विजयस्स चोरसेणावइस्स महया-मया इड्डी-सक्कार
समुदएणं नीहरणं करेंति, करेत्ता बहुइं लोइयाइं मयकिच्चाई करेंति, करेत्ता'
'कालेणं ° विगयसोया जाया यावि होत्था ॥ चिलायस्स चोरसेणावइत्त-पदं २८. तए णं ताइं पंचचोरसयाइं अण्णमण्णं सद्दावेंति, सद्दावेत्ता एवं वयासी-एवं
खलु अम्हं देवाणुप्पिया ! विजए चोरसेणावई कालधम्मुणा संजुत्ते । अयं च णं चिलाए तक्करे विजएणं चोरसेणावइणा बहूमो चोरविज्जायो य' 'चोरमंते य चोरमायाओ य चोरनिगडीयो य° सिक्खाविए। तं सेयं खलु अम्हं देवाणुप्पिया ! चिलायं तक्करं सीहगुहाए चोरपल्लीए चोरसेणावइत्ताए अभिसिचित्तए त्ति कटु अण्णमण्णस्स एयमटुं पडिसुणेति, पडिसुणेत्ता चिलायं सीहगुहाए
चोरपल्लीए चोरसेणाव इत्ताए अभिसिंचंति ॥ २६. तए णं से चिलाए चोरसेणावई जाए--अहम्मिए' 'अहम्मिढे अहम्मक्खाई
अहम्माणुए अहम्मपलोइ अहम्मपलज्जणे अहम्मसीलसमुदायारे अहम्मेण चेव
वित्ति कप्पेमार्ण विहरइ।। ३०. तए णं से चिलाए चोरसेणावई चोरनायगे बहणं चोराण य पारदारियाण
य गंठिभेयगाण य संधिच्छेयगाण य खत्तखणगाण य रायावगारीण य अणधारगाण य बालघायगाण य वीसंभघायगाण य जयकाराण य खंडरक्खाण य
अण्णेसि च बहूणं छिण्ण-भिण्ण-बाहिराहयाणं ° कुडंगे यावि होत्था । ३१. से णं तत्थ सीहगुहाए चोरपल्लीए पंचण्हं चोरसयाणं आहेवच्चं पोरेवच्चं
सामित्तं भट्टित्तं महत्तरगत्तं प्राणा-ईसर-सेणावच्चं कारेमाणे पालेमाणे विहरइ ।। ३२. तए णं से चिलाए चोरसेणावई° रायगिहस्स नयरस्स दाहिणपुरथिमिल्लं
जणवयं 'बहुहिं गामघाएहि य नगरघाएहि य गोगहणेहि य बंदिग्गहणेहि य
१. सं० पा०-करेत्ता जाव विगयसोया। ४. सं० पा०-चोरनायगे जाव कुडंगे। २. सं० पा०-चोरविज्जाओ य जाव सिक्खा- ५. सं. पा.-एवं जहा विजो तहेव सव्व विए।
जाव रायगिहस्स। ३. सं० पा०-अहम्मिए जाव विहरइ । ६. सं० पा०–जणवयं जाव नित्थाणं ।
Jain Education International
For Private & Personal Use Only
www.jainelibrary.org
