________________
३५०
नायाधम्मकहाभो
दुप्पय-चउप्पय-मिय-पसु-पक्खि-सरिसिवाणं घायाए वहाए उच्छायणयाए °
अहम्मकेऊ समुट्ठिए बहुनगर-निग्गय-जसे सूरे दढप्पहारी साहसिए सद्दवेही ।। २०. से णं तत्थ सीहगृहाए चोरपल्लीए पंचण्डं चोरसयाणं आहेवच्चं 'पोरेवच्चं
सामित्तं भट्टित्तं महत्तरगत्तं प्राणा-ईसर-सेणावच्चं कारेमाणे पालेमाणे
विहरइ॥ २१. तए णं से विजए 'तक्कर-सेणावई' बहुणं चोराण य पारदारियाण य गंठिभेय
गाण य संधिच्छेयगाण य खत्तखणगाण य रायावगारीण य अणधारगाण य बालघायगाण य वीसंभघायगाण य जयकाराण य खंडरक्खाण य अण्णेसिं च
बहूणं छिण्ण-भिण्ण-बाहिराहयाणं कुडंगे यावि होत्था ॥ २२. तए णं से विजए चोरसेणावई रायगिहस्स दाहिणपुरत्थिमं जणवयं बहूहिं
गामघाएहि य नगरघाएहि य गोगहणेहि य बंदिग्गहणेहि य पंथकुट्टणेहि य खत्तखणणेहि य उवीलेमाणे-उवीलेमाणे विद्धंसेमाणे-विद्धंसेमाणे नित्थाणं
निद्धणं करेमाणे विहरइ॥ चिलायस्स चोरपल्ली-गमण-पदं २३. तए णं से चिलाए दासचेडए रायगिहे बहूहि अत्थाभिसंकीहि य चोज्जाभि
संकीहि य दाराभिसंकीहि य धणिएहि य जूयक रेहि य परब्भवमाणे-परब्भवमाणे रायगिहाम्रो नगरानो निग्गच्छइ, निग्गच्छित्ता जेणेव सीहगुहा चोरपल्ली तेणेव उवागच्छइ, उवागच्छित्ता विजयं चोरसेणावई उवसंपज्जित्ता णं
विहरई॥ २४. तए णं से चिलाए दासचेडे विजयस्स चोरसेणावइस्स अग्ग-प्रसिलटिग्गाहे
जाए यावि होत्था। जाहे वि य णं से विजए चोरसेणावई गामघायं वा 'नगरघायं वा गोगहणं वा बंदिग्गहणं वा° पंथकोट्टि वा काउं वच्चइ" ताहे वि य णं से चिलाए दासचेडे सुबहुंपि कूवियबलं हय-महिय-पवर वीरघाइय-विवडियचिध-धय-पडागं किच्छोवगयपाणं दिसोदिसि ° पडिसेहेइ, पडिसेहेत्ता पुणरवि लद्धढे कयकज्जे अणहसमग्गे सीहगुहं चोरपल्लि हव्वमागच्छइ ।
१. सं० पा०-आहेवच्चं जाव विहरइ । २. तक्करे चोरसेणावड (घ)। ३. तक्करसेणावइ (क)। ४. X (ग)। ५. कोट्टणेहि (क)। ६. निद्धाणं (क)।
७. चोरा° (घ)। ८. धणएहि (ख)। ६. जुइ ° (ख, ग)। १०. सं० पा०-गामघायं वा जाव पंथकोट्टि । ११. वयइ (घ)। १२. सं० पा०-हयमहिय जाव पडिसेहेइ।
Jain Education International
For Private & Personal Use Only
www.jainelibrary.org
